RIBA PROPOSISHON DI PARLAMENTARIO PLET PARLAMENTO LO HASI UN BISHITA DI TRABOU NA REFINERIA ISLA.
RIBA PROPOSISHON DI PARLAMENTARIO PLET PARLAMENTO LO HASI UN BISHITA DI TRABOU NA REFINERIA ISLA.
Den un karta dirigí na Parlamento gerensia di Refineria Isla a invitá parlamento pa bin hasi un bishita di trabou na Refineria Isla. Frakshon di MAN komo un di e frakshon ku a pidi e reunion aki, riba inisiativa di Parlamentario Plet a proponé den parlamento pa aseptá e invitashon di Refineria Isla. Esaki mirando ku sigur nos kier pa parlamento risibí informashon di refineria pa haña un bista kon e proseso ta kanando pa ku kumplimentu ku trahadónan. Pa frakshon di MAN ta sigur importante pa kontinuashon di nos refineria, manteniendo kuponan di trabou pero tambe e aktividat petrolero komo un di nos pilarnan ekonómiko. Frakshon di MAN ta kontentu ku Parlamento den su totalidat a bai di akuerdo ku e proposishon aki i pa konhuntamente nos a haña informashon i deliberá ku gerensia di Refineria Isla.
