Ministerio di Salú, Medio Ambiente i Naturalesa ta partisipá ku Último dianan pa registrá pa kùr ta 9, 10 i 11 di desèmber 2019
Ministerio di Salú, Medio Ambiente i Naturalesa ta partisipá ku
Último dianan pa registrá pa kùr ta 9, 10 i 11 di desèmber 2019
Willemstad – Ministerio di Salú, Medio Ambiente i Naturalesa ta partisipá ku dianan 9, 10 i 11 di desèmber ta último dianan ku por registrá pa kùr den 2019. E proseso di kùr ta sigui dia 6 di yanüari 2020. Konforme lei, tur persona ku ta prepará i bendé kos di kome i kos di bebe na públiko mester tin un karchi di kùr bálido di UO G&Gz (ántes GGD). Esaki tambe ta konta pa aktividatnan di fin di aña i manera aña bòltu, pa temporada di Karnaval. Ta sugerí pa tur hende ku tin intenshon di bende durante aktividatnan di Karnaval pa pasa for di e momentunan aki pa hasi e trámitenan i evitá ku ta hopi drùk mas serka dje temporada.
E proseso pa hasi petishon pa karchi di kùr ta riba djaluna, djamars i djarason na departamentu di kùr di THZ na Asuntunan di Salubridat Públiko na Piscaderaweg 49, Mundu Nobo, di 7:30 ’or pa 9:30 ’or di mainta i awor tambe atardi di 2 ‘or pa 3 ‘or. Mester bini ku un identifikashon válido, sea reibeweis, sédula òf pasport, un pasfoto resien i paga Nafl 50,00 pa persona. E persona ta skohé un manual digital den e idioma di su preferensia, sea Papiamentu, Hulandes, Ingles, Spañó òf Manderin, pa prepará su mes pa èksamen. Pa yega na e manualnan por tek den Google “buki di higiena” i bo ta haña un portal kaminda por habri i sigui instrukshonnan pa yega na e idioma preferí. Dianan di èksamen ta riba djaluna, djamars i djarason parti mainta òf atardi.