Detenshon pa ladronisia.
KOMUNIKADO DI PRENSA 489/ 2019
18 novèmber 2019
Detenshon pa ladronisia.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaluna 18 di novèmber 2019 alrededor di 12.52’or, Sentral di Polis a risibí
notifikashon di un kaso di ladronisia ku a tuma lugá den un kas na Moffiweg.
Na yegada di e unidat polisial na Moffieweg, habitante di e kas a deklará ku e la yega
su kas i topa ku un hòmber deskonosí ta kore sali for di su kas. E hòmber deskonosí
aki a bula den kurá di un otro kas i bai for di e sitio.
Polis a kuminsá ku búskeda den e área i den Kaya Modoc a señalá un hòmber ku ta
kuadra ku e deskripshon di e hòmber ku un ratu promé a kore sali for di e kas na
Moffieweg.
Na e sitio polis a detené e hòmber, G.M.S. nasé na Kòrsou di 27 aña di edat,
relashoná ku e ladronisia ariba menshoná.
Na momentu di su detenshon polis a haña konfiská artikulonan prosedente di e
ladronisia.
A presentá e sospechoso dilanti un fiskal ouksiliar ku a ordená su enkarselamentu
pendiente di mas investigashon.
