NAICKS PLACE tei bolbe trese e dushi ambiente di añanan 80 den Saliña. 

NAICKS PLACE tei bolbe trese e dushi ambiente di añanan 80 den Saliña. 

 

Willemstad – Djasabra 7 di dezèmber awor, e popular diskoteka den añanan 80, Naick’s Place (awendia Club Sugar) ta bolbe habri su portanan, pa ún anochi. Despues di e tremendo ambiente ku tabatin na yüli último durante e promé ‘Back 2 Naicks Place’, ta masha hopi hende a keda ku gana di bolbe baila i gosa di un bon fiesta di añanan 80!

 

Pues 7 di dezèmber tei bira otro anochi di hopi rekuerdo di e dushi epoka di diskoteka den añanan 80. Riba e anochi aki e atenshon ta prinsipalmente riba e DJ-nan orginal ku a toka den añanan 80. Lo tin presentashon di DJ Boogieman di The Pub, DJ John Anthony di Rosanna Disco i DJ Guido Tecla ku tabata e DJ di kas den e popular ‘night clubs’, La Fontaine i La Hacienda. Komo chèri riba e bolo, e biaha aki, HIGHWAY BAND tambe tei i nan lo bini ku un repertorio kayente di hitnan bailabel di 80.

 

Ya e karchinan pa ‘Naick’s Place goes Merengue, Disco & Hits’, ta baiendo manera pan kayente i praktikamente tur ‘early bird’ di 25 florin a ‘sold out’.  Entrada general ta 35 i por haña karchi na Mensing’s Caminada o via 5603305. Si sobra, na porta karchi lo bira 45. 

 

Ambiente ta kuminsá for di 9 te 3or di marduga ku hit tras di hit, pa rebibá i gosa di e ambiente di añanan 80. Pues prepará pa bo baila, gosa i kòrda e dushi tempunan di Naick’s Place den Saliña, kaminda aworaki ta Club Sugar.