Detenshon relashoná ku malversashon.

KOMUNIKADO DI PRENSA 492/ 2019
21 novèmber 2019
Detenshon relashoná ku malversashon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Kontinuando ku investigashon den un kaso di malversashon ku a tuma lugá entre
febrüari pa sèptèmber 2019 na un establesimentu den área di Bapor Kibrá, polis a
hasi un detenshon.
Djaweps 21 di novèmber 2019, alrededor di 01.30’or, Polis riba òrdu di Ministerio
Públiko a detené e hòmber C.J.W.P., nasé na Kòrsou di 20 aña di edat, relashoná ku
e kaso di malversashon ariba menshoná
Detenshon di e sospechoso a tuma lugá den área di Bapor Kibrá.
A presentá C.J.W.P. dilanti un fiskal ouksiliar ku a ordená su enkarselamentu
pendiente di mas investigashon.