Carrefour Market ta invitabo pa un All You Can Eat Thanksgiving Buffet 

Carrefour Market ta invitabo pa un All You Can Eat Thanksgiving Buffet 

 

WILLEMSTAD:- E Bon Appetit Café situá den Carrefour Market no tin mester di niun introdukshon, e ta bon konosí pa su platonan spesial tur dia i su desayuno di 4,99 ku ta inkluí un kòfi, un webu herebé i un croissant.  Sinembargo pa dia 28 di novèmber próksimo e café lo presentá un otro tipo di menú. Ta invitá famia, amigunan òf gruponan di kolega pa sinta huntu i selebrá Thanksgiving, for di 6’or di atardi pa 8:30 di anochi. Lo sirbí un bufèt ilimitá inkluyendo Roast Turkey ku su cranberry, mashed potato i e popular gravy! 

 

All You Can Eat Thanksgiving! 

Selebrá i ‘Yama Danki’ den un ambiente cozy na unda henter famia por sinta huntu. Lo dekorá e café spesialmente pa e okashon aki i e lo ta sera pa publiko. Ta importante pa kumpra un karchi adelantá na e bali di servisio di Carrefour Market. Lo presentá e tradishonal Roast Turkey ku su cranberry, mashed potato i gravy, tambe lo tin Roast Chicken, Green Beans Mushroom Casserole i salada fresku den banda. Ademas di e bufèt delisioso pa Thanksgiving, lo sirbi ‘Sangria’ pa tur adulto. Ta invitá tur esnan ku ta deseá di selebrá e dia spesial di Thankgiving pa kumpra nan karchi adelantá pa únikamente Nafl. 50 pa adulto- inkluyendo OB. E karchi spesial aki ta inkluí e bufèt ilimitá i 3 Sangria. *Si ta deseá por kumpra glas of bòter di biña adishonal. Muchanan te ku 12 aña ta paga únikamente Nafl. 25 inklusive OB i 3 limonada pa e bufèt ilimitá. 

 

Tokante di Carrefour Market

Carrefour Market, den boka di pueblo ‘é supermerkado na Sambil’ ta birando un gran faborito na Kòrsou. Klientenan ku ta deseá di kumpra kalidat na preis abou sá nan kaminda pa Carrefour. Ekipá ku su propio bodega di biña na unda ku por haña biñanan eksklusivo na preisnan kompetitivo. Ademas, Carrefour ta konosí pa su pan semper fresku, su gran surtido di keshi franses i e variashon amplio di produkto ku bo no ta haña niun otro kaminda na Kòrsou. Smak apart? Carrefour ta p’abo! Carrefour tin su mes entrada, pues ta fásil pa parker i drenta. Carrefour Market na Sambil ta habrí di djaluna pa djasabra for di 7:30 pa 20:30 i djadumingu for di 09:00 pa 19:00.  No pèrdè niun oferta, ‘like’ e página di Facebook! 

This site uses Akismet to reduce spam. Learn how your comment data is processed.

error: Content is protected !!
%d bloggers like this: