Ban Ser’é Bunita ku “E Bataya”

Ban Ser’é Bunita ku “E Bataya”

Nos a drenta den e siman kulminante kaminda ku huntu ku nos fanatikonan nos ta bai Ser’é Bunita selebrando 10 aña di Grupo Rítmiko Sablika ku e evento “ E Bataya” den Because.

Djasabra 30 novèmber pa 8’or di anochi den kura di Because Entertainment Center ta bai wòrdu kombertí den un dos ring di bataya. Kaminda e banda nan musikal ta bai kontra otro. Huntu ku Dj Carlito i animá pa nada mas ku lady Lava.

Lo bai tin Grupo Kompèr kontra di Grupo Rítmiko Sablika, Grupo Ruta kontra di Los Originales i den Showtime nos lo bai tin Grupo Oriri huntu ku nos Kantadó Mayó 2019.

Mei mei di e dos ring nan lo bo haña nos Sekshon di VIP ku no ta grandi pues e karchinan ta limitá, por yama na number di telefon +599 9 675 2253. I karchinan general ta na rason di fl. 10,– na 24 uur uit de muur i serka tur miembro di E Famia Sablika. Na porta e ta bira fl. 15,– si sobra. Lo bai tin un Bar i Kushina bon surti.

Kada agrupashon musikal tin nan kolo faborito pa nan fanatikonan, pues chek kua ta e kolo di bo agrupashon i boso bin apoyá pa asina krea un ambiente fenomenal. Buska bo karchi pa asina nos Ser’é Bunita djasabra 30 novèmber na Because di 8’or anochi pa 2’or di mardugá……..”E Bataya”.