KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIANOTISIA POLISIAL

Polis ta sigui kombatí krímen ku tur forsa.

KOMUNIKADO DI PRENSA 501 / 2019
4 desèmber 2019
Polis ta sigui kombatí krímen ku tur forsa.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kuerpo Polisial ta sigui, den su afan pa restablesé òrdu i trankilidat den nos komunidat,
kombatí kriminalidat ku tur forsa.
Eksperensia a demostrá ku den fin di aña krímennan ta oumentá i polis ta alerta pa
esakinan.
Kontrolnan riba kaya lo bai bira mas intenso den próksimo dianan i unidatnan lo ta ubiká
stratégikamente na diferente sitio, pa asina aktua di forma preventivo.
Den e mesun rosea dor di ta visibel den diferente área pareu, nan lo respondé mesora
tambe i atendé ku kualke delinkuensia ku tuma lugá.
Den luna di òktober, polis a konfiská 9 arma di kandela i pa luna di novèmber tras di lomba
a kita 32 arma di kandela mas for di kaya.
Esaki ta djis un indikashon di e seriedat i firmesa ku e trabou ta keda hasí, pa abo komo
siudadano sinti bo sigur i protehá.
Huntu ku nos partnernan nos lo sigui traha ku hopi determinashon den e dianan di fiesta
aserkando.
Sinembargo, nos ta keda konta ku bo koperashon, komprenshon i indulgensia
prinsipalmente durante di e kontrolnan ku ta bai kontinuá.
Di antemano nos ta gradisí bo i sa ku 24 ora pa dia bo por konta ku BO kuerpo polisial.

 

639114718427035"
639114718427035"