KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNUNOTISIA

Posibel inkumbinensia debí na reunion di sindikato

Posibel inkumbinensia debí na reunion di sindikato

Willemstad – Klientenan di organisashonnan di Ministerio di Tráfiko, Transporte i Planifikashon Urbano (VVRP) por eksperensiá inkumbinensia mañan 6 di desèmber parti mainta. Esaki ta relashoná ku e reunion ku un sindikato di trahadónan di gobièrnu a yama.

Empleadonan públiko tin derechi pa por asistí na esaki. Pero e tin su efekto riba e servisio na kliente. Organisashonnan manera Servisio pa Tráfiko i Transporte (UOVV – keuringslokaal), Servisio pa Planifikashon Urbano (ROP), Domeinbeheer su sentro di servisio, Servisio pa Obra Públiko, i demas por tin un mínimo di trahadó presente parti mainta.

VVRP ta pidi un i tur pa tene kuenta ku esaki. Klientenan ku tin sita na un di e servisionan aki, sea asina bon di yama i konfirmá e sita promé ku bai na e servisio konserní. Di e forma aki, ta minimalisá inkumbinensia.

Ta spera ku pa mèrdia e situashon ta normalisá! 

639114718427035"
639114718427035"