Pronóstiko di tempu pa Kòrsou i bisindario bálido te djárason mainta 06:00 o.l, 18 di desèmber 2019.

Pronóstiko

Pronóstiko di tempu pa Kòrsou i bisindario bálido te djárason mainta 06:00 o.l, 18 di desèmber 2019.
Kompilá: djamars 17 di desèmber 2019. 05:00 o.l. (09:00 UTC).

Tempu: Por lo general parsialmente nublá ku chèns pa de bes enkuando un áwaseru lokal.

Temperatura máksimo lo alkansá 31°C i temperatura mínimo di 26°C.
Solo ta sali 06:49 i ta baha 18:14 o.l.

Bientu: Prinsipalmente for di un direkshon ost i moderá te basta fuerte; forsa 4 te 5 (20 te 39 km/ora, 11 te 21 nudo). Prinsipalmente den áwaseru, de bes en kuando fuerte te posiblemente duru den ráfaga; forsa 6 te 7 (40 te 61 km/ora, 22 te 33 nudo).

Situashon general: Durante di próksimo 24 ora, mas nubia lo move de bes enkuando riba nos region. Algun di e nubianan aki por generá un áwaseru breve riba sierto parti di nos isla. Mas aleu, e fluho di bientu lo bira gradualmente mas fuerte i komo resultado kondishon di laman lo bira mas brutu durante di próksimo dianan.

Kondishon di laman: Por lo general moderá ku altura di olanan entre 1 i 2 meter (3 te 6 pia). E olanan di mas haltu lo ta riba laman habrí.

Fenómeno spesial: Ningun.

Perspektiva te djaweps mainta: Leve- te parsialmente nublá i no ta antisipá áwaseru signifikante. Un fluho di bientu basta fuerte lo kontinuá.

Meteorólogo: Rombley