DI TRES I ULTIMO GIMMIK PA FESTIVAL DI TUMBA 2020 DJASABRA 28 DI DESEMBER NA SAMBIL
26 di desèmber 2019
DI TRES I ULTIMO GIMMIK PA FESTIVAL DI TUMBA 2020 DJASABRA 28 DI DESEMBER NA SAMBIL
WILLEMSTAD – Despues di un eksitoso promé i di dos Gimmik pa loke ta trata benta di karchi, djasabra awor lo tin e último oportunidat pa kumpra karchi na preis un poko redusí pa Festival di Tumba 2020. Esaki lo tuma lugá den e Booth di Tele Curaçao na Sambil, djies despues di e entrada prinsipal, di 11 or di mainta pa 1 or di mèrdia.
DI TRES I ULTIMO GIMMIK
Lo tin 500 karchi disponibel a rason di ang 65,- pa pakete general i 50 karchi di “Red Carpet” VIP na rason di ang 300,- pa pakete. Karchinan di tantu e promé komo e di dos gimmik a kaba den un fregá di wowo.
Wak pa bo tei presente pa eksperensiá e momento históriko di e 50 koronashon di rei o reina di tumba di Festival di Tumba 2020. Festival di Tumba 2020 ta bai bira un evento inolvidabel den un ambiente festivo.
Pues e di tres gimmik pa benta di karchi na preis spesial, ta djasabra awor dia 28 di desèmber di 11’or di mainta te ku 1’or di mèrdia den Sambil, pa ser eksakto na e booth di Tele Curaçao, djies despues ku drenta Sambil via di entrada prinsipal.
Atentamente
Direktiva di AMAK
