JCI Willemstad ku atenshon special pa e promé beibi di aña 2020

JCI Willemstad ku atenshon special pa e promé beibi di aña 2020
Pueblo di Kòrsou ya a kustumbrá pa 34 aña kaba kon JCI Willemstad ta duna atenshon na e promé beibi di
aña.
Pa aña 2020 Curaҫao Medical Center ta yama bon biní na e promé yu di aña 2020 ku yama KingXendriyon Philips. El a nase pa 03.38 ku e peso di 2910 gram i e midí di 49 cm. Su orguyoso mama ta
Vanjesca Philips. Un legria inmenso a reina, na momentu ku partera dr. I. El-Bouyahyaoui asisti pa zuster
V.Felicia yuda trese e beibi na mundu.
Bishita
Miembronan di direktiva di JCI Willemstad di 2020 a bishitá e mayornan di e beibi pa felisitá i sorpresá
nan ku algún regalo i opsekio. Presidente di JCI Willemstad, Shakira Albertoe, a ekspresá su legria ku
yegada di e beibi i tambe a duna felisitashon na e famia. Un danki speshal ta bai na tur spònsernan ku ta
karga ku e proyekto tur aña di nobo. Un danki na Salas Sport Shop pa e plakaat ku ta sirbi komo rekuerdo
di e dia memorable aki. Un bes mas JCI Willemstad a konta ku aporte di Freeport Jewelers ku a regala
King-Xendriyon un bunita armband di oro. Pietersz Distribution ku a regala e beibi un paquete di pampers
i wipes. Highlights Enterprise N.V. ku a regala un rocking chair di Fisherprice, produktonan di Zwitsal i un
giftcard. I e beibi a haña un regalito di Superkidz.
JCI Willemstad
JCI Willemstad ku su 58 aña di eksistensia no ta un organisashon deskonosí na Kòrsou. E ta un
organisashon “non-profit” ku ta enfoká riba liderasgo i formashon di hóbennan entre 18 i 40 aña. E
mishon di JCI ta pa kontribuí na desaroyo global di nos komunidat dunando hóbennan e oportunidat pa
desaroyá nan abilidat di liderasgo i responsabilidat sosial nesesario pa asina krea kambionan positivo den
nos komunidat.
JCI Willemstad te deseá pueblo di Korsou un aña 2020 yená ku prosperidat i tur klase di éxito.