Pronóstiko di tempu pa Kòrsou i bisindario bálido te djamars mainta 06:00 o.l., 7 di Yanüari 2020.

Pronóstiko

Pronóstiko di tempu pa Kòrsou i bisindario bálido te djamars mainta 06:00 o.l., 7 di Yanüari 2020.
Kompilá: Djaluna 6 di Yanüari 2020, 05:00 o.l. (09:00 UTC).

Tempu: Shelu lo sigui varia entre parsialmente te basta nublá i de bes en kuando áwaseru lo kai lokalmente. Tambe bientu lo sigui generalmente suak.

Temperatura máksimo lo alkansá 30ºC i temperatura mínimo 23ºC.
Solo ta sali 06:58 i ta baha 18:24 o.l.

Bientu: Generalmente for di direkshon nortost i suak te moderá; forsa 1 te 3 (1 te 19 km/ora, 1 te 10 nudo).

Situashon general: Un disturbio praktikamente stashonario riba e parti oriental di Laman Karibe ta sigui mantené un ambiente atmosfériko faborabel pa formashon di nubia riba nos region durante e próksimo oranan. Algun di e nubianan aki, lo pasa ku aktividat di áwaseru riba nos isla i bisindario. Ademas di esei, e diferensia den preshon di airu ta keda chikí i lo mantené forsa di bientu generalmente suak den nos área. Sigun ku e siman ta transkurí, forsa di bientu poulatinamente lo subi un bes mas i bira fuerte te duru den final di e siman di trabou.

Kondishon di laman: Por lo general ketu ku altura di olanan ménos ku 1 meter (3 pia).

Fenómeno spesial: Ningun.

Perspektiva te djarason mainta: Parsialmente nubla ku algun áwaseru lokal i bientu lo ta un poko mas fuerte.

Meteorólogo: Correa