“REI DI KAYA” Un Jump in diferente, kayente i ku ambiente di kaya

“REI DI KAYA”

Un Jump in diferente, kayente i ku ambiente di kaya

 

Willemstad – Masha ten kaya ta pidi, awel kaya ta haña! “REI DI KAYA” ta un konsepto diferente, kayente i ku ambiente ku e tim dinámiko di MCB Softbal Team i gruponan di karnaval Vise Versa i Hats off To Dreams (HOTD) a bin kune pa selebrá en grande e di 50 edishon di karnaval. Kaya ta papia ku djasabra 8 di febrüari ta “REI DI KAYA” ta bai dominá kaya di 8 pm pa 3 am na Seru di Ararat, lugá di parker di TeleCuracao. Style di kaya bo ta haña un bunita bista riba Willemstad i nos haf i dushi bientu. Por stashoná auto na parkeerplaats di ofisina prinsipal di ENNIA i den area di waaigat i den kaya na Skalo. Lo tin transporte pa “jumpersnan” di “REI DI KAYA” subi kaya ku bus bai Seru di Ararat unda e ambiente di kaya ta bai kulminá. Lo tin bon seguridat den e kayanan pa yuda kuida e autonan. 

 

E nòmber “REI DI KAYA” ta keda usá pa e kantante ku no a sali Rei di Tumba pero si tin un òf mas tumba of roadfire na su nòmber ku a i te ainda ta hasi e hendenan durante henter e temporada di karnaval kayente kayente den kaya. E vishon di Jump In “REI DI KAYA” ta pa huntu ku e ferviente karnvalistanan nos rebibá e nostalgia di  jump up nan di antes manera Gypys, Coca-Cola, KMPG, Blue Ribbon i baila gosa riba roadfirenan kayente i tumbanan di Reinan di kaya. Pa buta ambiente di kaya lo tei GIO, ERA, ONE, ICONS, DJ Bryan Rosa, Rei di Tumba 2020 i bòshi legendario Rei di kaya. 

 

Entrada general pa “REI DI KAYA” ta 50 florin i VIP ta 125 florin. Karchinan ta obtenibel serka tur miembro di MCB Softbal Team i gruponan di karnaval Vise Versa i HOTD. Na kompra di bo karchi di “REI DI KAYA” bo ta risibí un super bunita “dryfit” shirt di kaya ku un diseño full di print na koló ku e nomber “REI Di KAYA”. Tur kos na “REI DI KAYA” ta “costume made” aki na Kòrsou pa talentonan di nos dushi isla. Sigui medionan lokal, pagina di facebook i instagram di “REI DI KAYA” pa tur informashon. 

Un danki special na nos partnernan BSure i TeleCuraçao rumbo pa 60 aña pa nan gran aporte. 

 

8 di yanüari 2020

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: