KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNUNOTISIA

SEGUNDO SESHON DI PREPARASHON PA TUR STUDIANTE 2020/2021 KU TA BAI HULANDA

SEGUNDO SESHON DI PREPARASHON PA TUR STUDIANTE 2020/2021 KU TA BAI HULANDA

Geplaatst op 08 January 2020 dor di Ministerio Enseñansa, Siensia, Kultura & Deporte

Willemstad- Minister di Enseñansa, Siensia, Kultura i Deporte (ESKD) sra. Marilyn Alcalá-Wallé ta gradisí tur mayor i studiantenan pa e asistensia masal na e promé anochi di informashon general pa hobennan ku tin idea di bai sigui nan estudio den eksterior, prinsipalmente esnan ku ta bai studia na Hulanda próksimamente. Durante e promé anochi a duna informashon básiko i general na mayornan i studiantenan i den e siguiente seshon ku ta djaweps 9 yanüari 2020 ta bai duna mas detaye pa mayornan i studiantenan ta mas mihor prepará ora ku e yunan ta bai sigui studia na Hulanda.

Tumando nota ku ta sumamente importante pa ora hobennan ta bai studia den eksterior, i sigur na Hulanda, nan ta mas mihó posibel prepará posibel, gobièrnu di su banda ta bai duna e siguiente seshon ku informashon mas konkreto. Esaki ta resultado di palabrashonnan hasí den e Vierlandenoverleg entre Ministernan den 2019, kaminda kada pais den Reino ta bai duna mas atenshon na e parti di guia i di preparashon na e studiantenan nobo ku ta bai kontinuá nan estudio na Hulanda pa alsa e nivel di éksito pa nos studiantenan.

E siguiente seshon kargá ku informashon importante pa tur studiante 2020/2021 ku ta bai studia na Hulanda y pa nan mayornan, sea nan ta bai via di Stichting Studiefinanciering Curaçao (SSC) o nan ta bai independientemente ( “freemovers”) djaweps 9 di yanüari 2020 na WTC, Piscadera i ta di 7:00 – 9:00 or pm.

Durante di e siguiente seshon ta bai duna mayornan i nan yunan sosten den diferente area, manera e preparashon pa eskoho di estudio, e fondonan pa finansiamentu di estudio, e seguro, bolsa di estudio i repartishon, diferente link riba internet ku ta importante pa e hoben ta na altura di dje i ku por yud’é prepará su mes mas mihor, mas informashon tokante di e proseso di Sosten pa Guia Edukashonal te na momento ku e hobennan bai Hulanda.

Tur mayor i studiante ta bonbiní. Entrada ta gratis.

 

 

 

 

639114718427035"
639114718427035"