Brigada di Seguridat i Formashon ta habri aña ku un teambuilding eksitoso pa lidernan di Brigada di Seguridat i Formashon

Brigada di Seguridat i Formashon ta habri aña ku un teambuilding eksitoso pa lidernan di Brigada di Seguridat i Formashon

 

Willemstad: Djasabra 11 di yanuari 2020 Brigada di Seguridat i Formashon (BSF) a habri aña den un aktividat di teambuilding ku a resultá super eksitoso.

Den un ambiente sosial, liber i di famia a disfrutá di otro su kompania i tambe traha riba e abilidat di logra resultado den grupo. 

 

E aktividat tabata di traha un vlòt grandi kaminda tur 20 lider di Brigada ku a partisipá mester a subi ariba, pa asina rema i krusa e bahia di piscadera pa por a bai kushiná na e otro lado i despues rema bini bèk.

 

Nos ta kere ku lidernan motivá i uní por logra e ophetivo di e organisashon. Nos ta hopi agradesido pa tur e lidernan boluntario ku ta den e organisashon i ku ta hasi nan maksimo esfuerso pa brinda un bon servisio na hubentut di Kòrsou i pueblo di Kòrsou. 

 

Nos di Brigada di Seguridat i Formashon ke deseá pueblo di Kòrsou felis aña 2020, ku e aña aki trese positivismo. Kada hóben ku nos por eduká ta yuda pa un mihó Kòrsou. Nos ta keda enfoká ku Kòrsou tin hóbennan positivo. 

 

Pa tur persona ku ta puntra pa medio di retnan sosial i/òf otro formanan di komunikashon dia 1 di mart 2020 nos lo habri inskripshon pa hóbennan ku kier forma parti di Brigada di Seguridat i Formashon.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: