Advertisements

Despedida di sr. mr. G. Camelia komo presidente di Raad voor de Rechtshandhaving

Despedida di sr. mr. G. Camelia komo presidente di Raad voor de Rechtshandhaving

Geplaatst op 12 January 2020 dor di Ministerio Hustisia

Entrante luna di mei último, sr. Glenn Camelia, kende tabata miembro di Raad voor de Rechtshandhaving pa pais Kòrsou, i tambe tabata e promé presidente di Raad voor de Rechtshandhaving, a retirá komo tal.

Sr. Camelia a kumpli ku 2 termino komo miembro di Raad voor de Rechtshandhaving. Basá riba art. 6 di e lei di Raad voor de Rechtshandhaving, ela yega su tèrmino máksimo di 2 biaha 4 aña.

Sr. Camelia konsekuentemente a baha ku tur honor for di su funkshon, kual ela okupá durante 8 aña.

Sr. Camelia no ta un deskonosido den nos komunidat; ela yega di okupá diferente funkshon importante i na diferente institushon di nos sosiedat. Nos por menshona aki algun di nan: direktor di SER, presidente di CGOA, miembro di parlamentu, miembro di direktiva di “Orde van Advokaten”, presidente di asosashon di tur hefenen di servisio di gobiernu i 2 bia formadó di gobiernu. A la bes nos konosé sr. Camelia tambe komo dirigente di e famoso banda musikal “Los Compadres”.

Ministerio di Hustisia ta sinti su mes orguyoso di por tabatin sr. Camelia komo representante di Kòrsou den Raad voor de Rechtshandhaving. Sr. Camelia a sa di kumpli debidamente ku su trabou den Raad voor de Rechtshandhaving i na un manera profeshonal.

Durante di sr. Camelia su miembresía den Raad voor de Rechtshandhaving e órgano aki a logra produsí diferente rapportnan di inspekshon balioso tokante kalidat, maneho i efektividat den funkshonamentu di Ministerio Públiko, di polis i di prison.

Sr. Camelia den su despedida for di Raad voor de Rechtshandhaving, a duna gobiernu algun sugerensha masha balioso, kualnan gobiernu sigur lo tuma na konsiderashon serio.

Gobiernu di Kòrsou ta gradisí sr. Camelia pa su balioso trabou ku ela ehersé den Raad voor de Rechtshandhaving i ta deseé tur klase di eksito den su futuro karera.

Riba potrèt d.r.p.d. mr. Q. Girigorie, mr. G. Camelia, mr. E. Morillo i sra. mr. D. Lai-Promes

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: