Kaso di hogamentu

KOMUNIKADO DI PRENSA 015 / 2020
12 yanüari 2020
Kaso di hogamentu
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu 12 di yanüari alrededor di 12.12’or, Sentral di Polis a risibí yamada
tokante di un kaso di hogamentu ku a tuma lugá na Playa Canoa.
Mesora a dirigí polis i ambulans na e sitio. Personal di ambulans a kuminsá mesora
ku reanimashon di e víktima, pero sin resultado.
Dòkter di polis ku a presentá na e sitio, a konstatá morto di un hòmber,
probablemente lokal.
For di investigashon preliminar por a komprondé ku testigunan a mira e hòmber riba
un baranka i despues el a resultá den awa.
Personanan ku tabata landando, ku hopi difikultat a logra di tres’é kantu, ya ku
laman tabata hopi brutu.
Debí ku e víktima no a keda identifiká pa famia ainda, no por duna nòmber di e
víktima liber te na e momentunan aki.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: