GRAN APERTURA LIGA MCB TERSER DIVISHON 2020! DJADUMINGU 19 YANÜARI 4’OR DI ATARDI NA TERENO DI VESTA KU SDK!

GRAN APERTURA LIGA MCB TERSER DIVISHON 2020!

DJADUMINGU 19 YANÜARI 4’OR DI ATARDI NA TERENO DI VESTA KU SDK!

 

Despues di un tremendo kampionato di Terser Divishon aña pasa, FFK ta anunsiá ku Liga MCB Terser Divishon 2020 ta ranka sali djadumingu aki, 19 di yanüari, den gran forma. 

Liga MCB Terser Divishon su gran apertura lo inisiá ku 4 partido sumamente intersante. 

E promé 2 partidonan lo tuma lugá 4’or di atardi mesun pareu den stadion di Vesta ku SDK i mas despues pa 6’or ku 8’or e último 2 partidonan lo tuma lugá na SDK. 

Tur partido di Liga MCB Terser Divishon lo ta na e 2 terenonan aki durante e djadumingunan binidero i tur partido ta kompletamente grátis! Mas den transkurso di aña lo tin algun wega tambe na FFK ku Stadion Dr. Antoine Maduro.

E aña aki tin un total di 10 klup a inskribí i lo partisipá na Liga MCB Terser Divishon. 

 

Esakinan ta lo siguiente: 

1. Atletico Salinja
2. De Koning
3. Astros de Colombia
4. C-Stars United
5. FC West Wolf United
6. Quick’60
7. Wishi Marchena
8. Real Buena Vista
9. Caribbean International University
10. Haitian Union Klup

 

Kontrali na añanan anterior, e aña aki Liga MCB Terser Divishon ta konta ku partisipashon di 10 ekipo meskos ku Promé i Segundo Divishon. Esaki despues ku Astros de Colombia a regresá despues di 4 aña i e ekipo FC West Wolf United uni nan mes na e famia di FFK. 

Tiki tiki pero sigur nos futbòl lokal ta krese i esei sigur ta algu di aploudí! 

 

Skema Liga MCB Terser Divishon:

 

Dia	Fecha	Ora	Tim di Kas	Bishitante	Stadion
Djadumingu	19 jan.20	16.00	Atletico Salinja	Haitian Union Klup	Vesta
		16.00	De Koning	University	SDK
		18.00	Astros Colombia	Buena Vista	SDK
		20.00	C-Stars United	Wishi Marchena	SDK
Djaweps	23 jan.19	19.00	FC West Wolf United	Quick’60	SDK

 

FFK ta invitá hinter e pueblo di Kòrsou pa bin presensiá e weganan aki i sigui disfrutá di bo deporte preferí, e deporte rei, futbòl.

 

Kòrda ku tur e weganan aki ta grátis!

 

16 yanüari 2020