ALKOHOLISTANAN TA UNI PA STOP NAN BISIO DI BEBE ALHOHOL

ALKOHOLISTANAN TA UNI PA STOP NAN BISIO DI BEBE ALHOHOL

 

Resientemente algun amigu a bini huntu, pa uni den un challenge pa trese un kambio den nan bida. E amigunan aki, tur tin en komun, ku nan ta konisderá ku nan a yega na e ekstremo di ta un alhohòlista. No solamente nan ta konsiderá esaki di nan mes, pero lamentablemente den nan gremio di amigu, konosí i famia, tambe ta pensa esaki di nan.

 

Manera e refran ta bisa, “Aña Nobo Bida Nobo”, e amigunan aki a tuma e desishon, pa trese un kambio den nan bida i kuminsá ku un challenge pa stop nan “maluso” di alhohòl. E challenge ta konisistí, ku durante e prókismo 40 dia, nan lo minimalisá hasta stòp di bebe bebida alkoholiko, ademas, e sèn ku posibelmente nan lo spar dor di no kumpra bibida alkoholiko, nan lo hasi un donashon na Wilhelmina Fonds via di Ride for the Roses, komo un kontribushon di nan banda kontra e lucha kontra di kanser.

 

Personanan tras di e proyekto partikular aki ta e konosido  diseñadó gráfiko Rob “MadMax” Ditmer huntu ku Vince Tunzi, kende huntu ku 16 otro amigu/konosí ta partisipá den e challenge aki. Mester bisa, ku e demas partisipante ta preferá di keda anónimo.

 

“Ta yega e momentu ku bo ta bisa bo mes, awor si ta basta. Bo ta eskperiensha ku bo tin un bisio ku no ta hiba bo dilanti, pero mas bien e ta perhudiká bo salú, ademas e tin influensha riba e  imagen ku bo tin den sosiedat. Pa dia, mi so ta bebe bo 1 kaha i mei pa 2 kaha di serbes. Práktikamenta en bes di bebe awa mi tabata bebe serbes. Den mi kaso ta serbes, pero tin otro personanan ku ta bebe bo 1 boter di whisky pa dia”, señor Rob Ditmer ta konta. “Al final despues di e kombersa e idea aki ku un par di amigu ku nos ta sinta bebe huntu, nos a yega na e konklushon ku no por sigui asina, ku nos mester hasi algu pa stòp. E idea a surgi pa kumisá ku e challenge aki, pa duranteb 40 dia ban stop di bebe alcohol, ademas, ku tur lokual nos spar ku e challenge aki, na final di esaki nos lo bin huntu pa duna esaki na Wilhelmina Fonds. E intenshon ta pa periodikamente komuniká hopi sigui ku otro pa tantu follow up i duna otro sosten den e challenge aki.  Nos ta sinti nos mes motivá i komprometé ku esaki”.

 

Personanan ku ta interesá pa partisipá den e challenge aki i/òf ke duna nan support por tuma kontakto libremente ku señor Rob “MadMax” Ditmer na telefòn 522-7514 òf via e-mail madmax@zebra-onlinedesign.com.