KUERPO POLISIAL KÒRSOU Kaso di tiramentu ku morto.

KOMUNIKADO DI PRENSA 029 / 2020
20 yanüari 2020
Kaso di tiramentu ku morto.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaluna 20 di yanüari 2020 alrededor di 19.40’or, Sentral di Polis a risibí informashon
ku den Kaya Brisa un tiramentu a tuma lugá i ku tin dos persona heridá.
Unidatnan polisial ku a yega na e sitio a topa ku un hòmber drumí abou banda di
Sentro di Bario Seru Papaya ku herida di bala na e parti ariba di su kurpa. Un tiki mas
leu dilanti un kas, polis a topa ku un dama drumí abou ku tambe tabatin herida di
bala na e parti ariba di su kurpa. Personal di ambulans ku a presentá na e sitio a hasi
lo máksimo pero tur dos víktima a fayesé.
Dòkter di polis alrededor di 20.50’or, a konstatá morto di ámbos víktima.
Mas informashon lo sigui den un proksimo komunikado.
Investigashon den e kaso aki ta kontinuá.