Kolegio Ehekutivo ta hasi proposishon pa un maneho di tereno kuidadoso i transparente

Kolegio Ehekutivo ta hasi proposishon pa un maneho di tereno kuidadoso i transparente

 

Kralendijk – Pa guia kresementu di Boneiru den bon kaminda – tantu pa loke ta trata kantidat di habitante komo aktividatnan komersial – mester anda kuidadosamente ku uso di terenonan ku ta disponibel pa desaroyá. Riba su mes tin sufisiente espasio, pero pa protehá e ‘kara propio’ di nos isla mester evitá ku ta konstruí ‘pa loko’.

Pa e motibu ei den su vishon riba e maneho di tereno ku mester hiba a inkluí un asina yamá ‘Kadernota Grondbeleid Bonaire’, un dokumento den kua ta indiká e puntonan prinsipal di maneho i e kuadronan finansiero pa e aña binidero. Esaki Kolegio Ehekutivo a presentá na Konseho Insular pa aprobashon. E ‘kadernota’ ta un kontinuashon lógiko riba e Plan di Desaroyo Espasial Boneiru (Ruimtelijk Ontwikkelingsplan Bonaire – ROB) ku anteriormente Konseho Insular a aprobá.

Segun Kolegio Ehekutivo kuadronan bon kla ta nesesario pa anda na un manera ophetivo ku terenonan ku ta destiná pa keda desaroyá i asina ekskluí arbitrariedat. E kuadronan ta hasi posibel pa Konseho Insular por hasi eskohonan na un manera korekto, kuidadoso, finansieramente responsabel i transparente pa suidadanonan i ku ta pas den e desaroyo espasial deseá i alabes ekonómiko i duradero di nos isla. 

E ‘kadernota’ lo sòru ku ta sinkronisá e maneho di dunamentu di tereno mas mihó ku e uso intenshoná, di manera ku konstrukshon di kas ta tuma lugá na sitionan ku ta ofresé e ambiente di biba mas adekuá i di manera ku ta surgi aktividatnan komersial na sitionan ku no ta afektá kalidat di bida di nos suidadanonan. Pero un maneho di tereno moderno i koherente ta ofresé tambe hopi bentaha konkreto, manera redukshon di listanan di espera pa tereno di hür, tereno di èrfpagt òf  bibienda. Pa kasnan di famia ku un entrada mas abou ta baha e drèmpel pa haña tereno pa konstrukshon di un propio kas. Un otro efekto positivo ta ku ta kombatí spekulashon ku tereno, pero ku netamente ta stimulá e desaroyo ekonómiko deseá.

Un bon aplikashon di e kuadronan ta ofresé garantia pa mantenshon di e karakterístikanan i kalidatnan outéntiko ku ta duna Boneiru su identidat úniko ku nos habitantenan i nos bishitantenan ta apresiá asina tantu. 

E desishon di Kolegio Ehekutivo pa mediante e nota ku Konseho Insular mester aprobá, komprometé su mes na un maneho di tereno kuidadoso (hustu i efektivo) i transparente (ku tur hende por kontrolá), ta forma parti di e deseo di Kolegio Ehekutivo pa fortifiká e garantia riba bon gobernashon mas aleu.   

BC doet voorstellen  voor een zorgvuldig en transparant grondbeleid

 

Kralendijk – Om de groei van Bonaire – zowel qua inwoners als bedrijvigheid – in goede banen te leiden dient zorgvuldig te worden omgegaan met het gebruik van voor ontwikkeling beschikbare grond. Op zichzelf is er voldoende ruimte, maar om het ‘eigen gezicht’ van het eiland te beschermen moet voorkomen worden dat er ‘lukraak’ wordt gebouwd.

Het Bestuurscollege heeft daarom zijn visie op het te voeren grondbeleid opgenomen in een zogeheten Kadernota Grondbeleid Bonaire. Deze is ter vaststelling aan de Eilandsraad aangeboden. De kadernota is een logisch vervolg op het eerder door de Eilandsraad vastgestelde Ruimtelijk Ontwikkelingsplan Bonaire (ROB).

Heldere kaders zijn volgens het BC nodig voor het op een objectieve manier omgaan met voor ontwikkeling bestemde grond en zo willekeur uit te sluiten. De kaders stellen de Eilandsraad en het Bestuurscollege in staat op een correcte, zorgvuldige, financieel verantwoorde en voor burgers transparante wijze keuzes te maken die passen in de gewenste ruimtelijke en duurzame economische ontwikkeling van het eiland.

De kadernota zal ervoor zorgen dat het uitgiftebeleid beter wordt afgestemd op het beoogde gebruik zodat woningbouw plaatsvindt op locaties die de meest geschikte leefomgeving bieden en nieuwe bedrijvigheid ontstaat op locaties die de leefkwaliteit van burgers niet aantast. Maar een modern, samenhangend grondbeleid biedt ook heel concrete voordelen zoals het terugdringen van wachtlijsten voor huurgrond, erfpachtgrond of woning. Voor huishoudens met een lager inkomen wordt de drempel voor het verkrijgen van grond voor het bouwen van een eigen woning verlaagd. Een ander positief effect is dat speculatie met grond wordt tegengegaan, maar gewenste economische ontwikkeling juist wordt gestimuleerd.

Een goede toepassing van de kaders biedt een garantie voor het behoud van de authentieke kenmerken en kwaliteiten die Bonaire zijn eigen, door de inwoners en bezoekers gewaardeerde unieke identiteit geven.

Het besluit van het Bestuurscollege zich via de door de Eilandsraad vast te stellen nota te committeren aan een zorgvuldig (eerlijk en effectief) en transparant (voor iedereen controleerbaar) grondbeleid maakt deel uit van de wens van het BC de borging van goed bestuur verder te versterken.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: