Pronóstiko di tempu pa Kòrsou i bisindario bálido te djadumingu mainta 06:00 o.l., 26 di yanüari 2020.
Pronóstiko
Pronóstiko di tempu pa Kòrsou i bisindario bálido te djadumingu mainta 06:00 o.l., 26 di yanüari 2020.
Kompilá: djasabra 25 di yanüari 2020, 05:00 o.l. (09:00 UTC).
Tempu: Leve- te parsialmente nublá i wer lo sigui generalmente seku.
Temperatura máksimo lo alkansá 31ºC i temperatura mínimo 23ºC.
Solo ta sali 07:01 i ta baha 18:35 o.l.
Bientu: Direkshonnan lo varia entre sùitost i nortost, suak te moderá; forsa 1 te 3 (1 te 19 km/ora, 1 te 10 nudo). Ráfaga den dia, posiblemente moderá; forsa 4 (20 te 30 km/ora, 11 te 16 nudo).
Situashon general: Durante di próksimo 24 ora, kondishon atmosfériko lo sigui stroba desaroyo di nubianan signifikante den nos region. Pa e motibu aki, un wer generalmente seku lo sigui prevalesé riba nos isla. Mas aleu, un área di preshon abou riba laman Atlántiko lo sigui pèrkurá pa un fluho di bientu suak durante e próksimo dianan.
Kondishon di laman: Por lo general trankil ku altura di olanan di ménos ku 1.5 meter (5 pia). Awe, debí na resake, altura di olanan por alkansá 2 meter (7 pia) espesialmente na kosta nort.
Fenómeno spesial: Ningun.
Perspektiva te djaluna mainta: Por lo general parsialmente nublá i no ta antisipá áwaseru signifikante.
Meteorólogo: Abraham.
