Advertisements

Demolition Cartel NV i Soto CMTC a klaim nan puesto den Dobl’e A pa kampionato 2017

curacao-softball

Demolition Cartel NV i Soto CMTC a klaim nan puesto den Dobl’e A pa kampionato 2017

Liga CSB/MCB su serinan di promoshon i degradashon a siguí ku 2 partido interesante. Tin 3 puesto disponibel den e serie di promoshon aki, di kual Demolation i Soto a klaim e promé 2 puestonan i asina sigurá ku pa 2017 nan lo partisipá den dobl’e A. Den e promé wega 19:00 na Buenavista BP e ekipo di Demolation a pasa riba e ekipo di Nos tei Curaçao Office Supply ku skor di 9 pa 2. Pa Demolation 9 kareda 9 hit i 3eror. Pa Nos Tei 2 kareda 5hit i 1 eror.
Seguidamente e ekipo di Soto ta gana e ekipo di Vipers ku skor di 10 pa 0. Pa Soto 10 kareda 8 hit i 1 eror.Picher ganador a resulta Sueni Fundador i miho na bate Mirugia Paulina di 3-2. Pa Vipers 0 kareda 2 hit i 3 eror. Picher perdedo a resulta Lisandra Ursulita i miho na bate pa Vipers a resulta Mishenu Martis.
Djárason 30 november lo tin e último fecha di promoshon/degradashon i tambe e último fecha di Softbol fastpich pa 2016. 19:00 lo tin e wega desisivo ku ta bai entre Nos Tei Curaçao Office Supply i Vipers, ganador di e wega aki lo klaim e último puesto ku a keda disponibel. Despues 21:00 lo tin e enkuentro entre Soto CMTC i Demolation Cartel N.V ku ja tur 2 a promové kaba. Tene na kuenta ku e enkuentronan aki lo ta na pòst 6 i lo ta grátis.

demolition-vs-nos-tei

soto-promove-pa-doble-a

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: