ULTIMO ORA: DI DOS MORTO DEN TRAFIKO

ULTIMO ORA: DI DOS MORTO DEN TRAFIKO, trata di un suseso ku a tuma den e bario di Dein kaminda un kabayero sinta na un toko a wordu alkansa pa un vehikulo maneha pa un dama. Na momentu ku e dama a yega na e toko pa stashona su vehikulo, e dama a primi trot (gasolin) en bes di primi brake. E vehikulo a alkansa e homber sinta riba un stul di plastik enfrente di e toko. Ku resultado ku e homber a kibra tur su dos pianan i e homber a risibi diferente perforashon na su kurpa pa motibu di e stul di plastik. Den un sitiashon hopi delikado a wordu transporta pa CMC, lamentablemente e notisia tristu a drenta ku ela fayese. Ta keda pendiente pa raport di polis pa duna mas detayes.