Interkambio Atlanta Metro RBI i RBI Curaçao hopi eksitoso i inolvidabel

Interkambio Atlanta Metro RBI i RBI Curaçao hopi eksitoso i inolvidabel

 

WILLEMSTAD – Den e wikènt di 17 di yanüari e organisashon di RBI Curaçao manera ya ta konosí tabata anfitrion di Atlanta Metro RBI. Nan bishita tabata den kuadro di Martin Luther King Day ku a wòrdu selebrá dia 20 di yanüari último.

 

Interesante tabata ku e hungadónan di e ekipo a haña un tarea pa traha un dokumento tokante nos isla promé ku nan biahe. Pa por hasi esaki nan mester a hasi un investigashon di nos isla promé ku nan biaha pa Kòrsou (online research). Durante di nan estadia tabatin puntonan i eksigensia ku nan tabatin pa por kumpli ku nan tarea. Ora nan a bai bek na Merka nan mester rònt af nan tarea. Un idea sigur ku nos por kopia for di dje!

 

Pa loke ta trata e partidonan, a hunga 4 wega kaminda por a mira ku sigun nan ta hungando e kualidat di nan wega tabata oumento. E loke sin duda a resaltá di nan estadia na Kòrsou tabata djasabra ora ku tabata “Ozzie Albies day” i ku tur dos ekipo a lusi kamiseta ku number 1 di Ozzie. E ekiponan a hunga un doubleheader i despues di e promé partido ‘the man himself’ a aparesé pa duna un palabra di motivashon na e dos ekiponan i saka potrèt ku nan. 

 

Ora ku e hóbennan aki a kere ku esei ta tur kos i ku nan tin un bon historia pa konta nan konosínan bek na Atlanta, djadumingu nan a bai na e vèlt di Koraalspecht ku ta kaminda Ozzie a lanta hunga bala i kaminda e ta train te ku e dia di awe. 

 

Ozzie a presentá i a tuma su tempu pa mustra nan kon e tabata i ta train. Despues e la “hop on the bus”, kore den bario di koraalspecht, pasa na su kas i mustra e tim tur su training spòtnan. Asin’aki e la mustra nan ku bo no mester di hopi pa por train i logra. Úniko kos ku bo mester tin ta determinashon. Sin duda un eksperensia inolvidabel pa e ekipo i mayoria hende den e trep a bisa nos kaba ku ya nan tabata gusta Ozzie, pero ku awor e la bira nan number 1 player. 

 

E spònsernan di e ekipo di Atlanta Metro RBI tabata Atlanta Braves i Mizuno. Un representante di ámbos organisashon a biaha ku e ekipo di Metro i ámbos a keda impreshoná ku nos isla . Via di Atlanta Braves,  Mizuno a manda algun material pa nos hóbennan pelotero ku ya ta na Kòrsou i lo keda repartí entre nos peloteronan próksimamente. Ta kasi tur fanátiko ku tabata na vèlt a haña sea un camiseta di Los Bravos, batting gloves òf algun otro produkto di Mizuno. Sigur un bon gesto. Kòmbersashonnan ta andando pa no laga e interkambio aki keda te akinan ya ku e tin un balor agregá enorme pa e muchanan ku partisipá na dje i un eksperensia ku lo dura pa bida largu.

 

Un danki spesial ta bai na nos spònser prinsipal MCB ku ta keda kere den e programa di RBI Curaçao.

 

Tambe un danki special na CTB ku a yuda koordiná e trep. Otro spònsernan ku a kere den e interkambio i a spònser un òf mas aktividat FBTT Travel Curacao, Fiesta Tours Curacao, Tourism Management Curacao i The Greenhouse restaurant. Esaki no por tabata posibel tampoko sin e kontribushon i energia di parti di Fundashon pa Nan i Curaçao Baseball Development Foundation bou di kua henter RBI Curaçao ta kai.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: