YAMA 0800 0922  I RAPORTÁ KEHO ENTREGÁ  NA KOMPANIANAN DI TELEKOMUNIKASHON PERO KU NO A KEDA ATENDÉ NA  SATISFAKSHON DI E KLIENTE

Riba inisiativa di Minister di Tráfiko, Transporte i Planifikashon Urbano

YAMA 0800 0922  I RAPORTÁ KEHO ENTREGÁ  NA KOMPANIANAN DI TELEKOMUNIKASHON PERO KU NO A KEDA ATENDÉ NA  SATISFAKSHON DI E KLIENTE

Willemstad 19 di Sèptèmber 2021- Klientenan ku a  entregá un keho serka un kompania di telekomunikashon pero ku ta sinti ku e keho no a keda atendé na nan satisfakshon, por raportá esaki dor di yama 0800 0922.  Bureau Telecommunicatie en Post (BTP) lo kolektá e loke  klientenan entregá i lo raportá esaki na Ministerio di Tráfiko, Transporte i Planifikashon Urbano.  Banda di por yama 0800 0922 kompletamente grátis di djaluna pa djabièrnè di 8’or di mainta pa 12’or di mèrdia i di 2’or di mèrdia pa 5’or di atardi, por bai riba e website di BTP, esta btnp.org, klek riba e opshon ‘contacts’ i skohe i yena e formulario ‘complaints form’.  Esaki ta un inisiativa di Minister di Tráfiko, Transporte i Planifikashon Urbano ku BTP ta aportá na dje, pa asina yuda krea un bista mas real di e eksperensha ku diariamente komunidat tin ku servisio di telefòn i internèt.

Direktor di BTP, Sr. Franklin Sluis, ta splika: “Nos tur ta di akuerdo ku servisio di telefòn i internèt di kalidat i kontinuo ta un nesesidat esensial pa nos funshonamentu.  Ta un bèrdat ku klientenan a bin ta eksperenshá desperfektonan den e servisio ku ta keda duná dor di kompanianan riba nos merkado.  BTP, di e forma aki, ta fasilitá  Minister di Tráfiko, Transporte i Planifikashon Urbano pa tin un bista mas kla di kantidat i karakter di kehonan na kompanianan di telekomunikashon di kua e klientenan no a keda satisfecho ku e forma ku nan keho ta keda atendé pa e kompania di telekomunikashon.  Dor di raportá bo keho bo ta yuda mehorá servisio na nos tur komo kliente.”

Klientenen di kompanianan di telekomunikashon ta keda stimulá pa yama  0800 0922 i raportá kéhonan entregá pero ku no a keda atendé na nan satisfakshon.  Yamada pa 0800 0922 ta kompletamente grátis.  Personal di BTP lo tuma e keho na telefòn durante oranan di ofisina, esta di djaluna pa djabièrnè di 8’or di mainta pa 12’or di mèrdia i di 2’or di mèrdia pa 5’or di atardi.  Esnan ku ta deseá por raportá esaki tambe dor di bai riba btnp.org i yena e formalario di claim (complaint form) dor di klek riba ‘contacts’.  

E formulario ta fásil pa yena.  Bal infatisá ku ora kliente yama 0800 0922 e mester a entregá un keho na e kompania di telekomunikashon.  BTP mes no ta bai ta intermedia pa resolve e keho pero ta monitoria esaki i raportá esaki na Minister di Tráfiko, Transporte i Planifikashon Urbano.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: