Kòrsou ta bira e promé pais den Karibe ku ‘Roller Barriers’

Kòrsou ta bira e promé pais den Karibe ku ‘Roller Barriers’

 

Willemstad – Kòrsou ta bira e promé pais den Karibe ku ta introdusí e sistema internashonal di vangrail yama ‘Roller Barriers’. Minister Jesus-Leito huntu ku Servisio pa Obra Públiko (OW) a duna inisio na e proyekto piloto aki. Dia 30 di yanüari e trabounan di preparashon a kuminsá i ta tuma 4 dia. 

 

Ku introdukshon di e sistema aki, Minister Jesus-Leito ta sigui traha pa alsa seguridat di tráfiko na Kòrsou. E sistema di ‘Roller Barriers’ ta unu hopi inovativo ku a desaroyá na Paisnan Asiátiko i ta hasiendo su entrada den diferente parti na mundu. Meta di e tipo di ‘vangrail’ aki ta pa apsorbé e impakto di un aksidente riba e ‘vangrail’. Esaki ta yuda entre otro pa 1) minimalisá daño na e persona(nan) den e vehíkulo, 2) minimalisá daño na e vehíkulo mes, 3) minimalisá daño na e sangria. 

 

E proyekto piloto aki lo tuma lugá na bahada di Koningin Julianabrug den direkshon pa bai Ser’í Domi. E proyekto ta kubri 200 meter di ‘vangrail’ nobo.  Lo usa e periodo di prueba pa evaluá si esaki ta un sistema adekuá pa logra e meta di nos seguridat den tráfiko. Pa por ehekutá e trabou aki ta sera kaminda tur dia despues di 8or di mainta pa minimalisá molèster pa outomobilistanan den oranan pik. 

 

Promé ku e proyekto di ‘vangrail’ mes kuminsá, Aqualectra ta kambia e peranan di lus riba brùg, i ta kambia 5 palu di lus na bahada di brùg direkshon Ser’i Domi, 

 

Minister Jesus-Leito huntu ku OW ta hasi un apelashon na tur outomobilista pa kore ku koutela i ta spera di haña koperashon i komprenshon durante e dianan aki. 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: