Akshon di limpiesa den area di Montagne Abou un tabata éksito rotundo

Akshon di limpiesa den area di Montagne Abou un tabata éksito rotundo

 

Djasabra último  abitantenan di Montagne Abou a kulminá un akshon di limpiesa riba algun plenchi kaminda ku direktiva i frakshon di MFK a duna sosten na esaki. E akshon di limpiesa tabata pa kombatí insekto i asina mucha i hóbennan den bario por hasi uso di e plenchinan den un esfera Sano Salu i Sigur. A limpia alrededor di 8 plenchi.

Direktiva i frakshon di MFK kier felisitá tur ku a koperá i duna nan aportá na e akshon di limpiesa aki, espesial Juniel Carolina. E akshon di limpiesa aki tabata organisá pa e abitantenan di e bario ku a demonstrá ku kaminda tin boluntat di algun siudadano pa bin ku ideanan positivo, ta sali almanan i personanan ku kurason humilde pa duna un man.

 

Durante e akshon por a  nota ekiponan manera dùmp trùk loader i bobcat. Tambe abitantenan mes a kontribuí ku nan hèrmèntnan i a pèrkurá pa tur ku a kolaborá risibí desayuno, almuerso i algu di bebe.

 

Direktiva i frakshon di MFK den Parlamento ta hasi petishon na e instansianan konserní, pa awor ku e bario ta limpi, pa hasi e trabounan di mantenshon nesesario pa mantené e bario di Montaña Abou limpi.

 

Direktiva i frakshon di MFK kier felisitá abitantenan i hóbennan di Montagne Abou, pa ta eksakto den e area di e kasnan di gobiernu ku a aserka direktiva i frakshon di MFK pa duna un man den limpiesa de e bario menshoná.

 

Direktiva di MFK