GANADORNAN  PA PREMIO EDGAR SUPRIANO  I PEN DI MERITO 2019 TA KONOSÍ

GANADORNAN  PA PREMIO EDGAR SUPRIANO  I PEN DI MERITO 2019 TA KONOSÍ

 

WILLEMSTAD —  Manera ya a bira un tradishon di tur aña riba dia di Músiko ku ta dia 22 di novèmber, Asosiashon di Músiko i Artista ta Kòrsou ta otorgá premio Edgar Surpriano na esnan mas destaká. Direktiva di AMAK ta bolbe enfatisá ku e meta di e fecha aki ta pa  mustra riba e importansia di un músiko den nos komunidat di Kòrsou. 

 

Tambe riba e fecha aki nos ta duna Pen di Mérito na artistanan individual ku durante hopi aña a destaká den Farándula di Kòrsou i kaminda ta nesesario un Plaka di Estímulo.

 

Premio Edgar Supriano: Un premio pa stimulá músikonan  ku durante aña a sobresalí. E NO ta un kompetensia. E premio mester keda  otorgá primeramente na músikonan o pèrsonanan ku ta ehersé un labor ku ta ligá na un instrumento musikal manera un tokadó di kai òrgel. ( Koronanan tambe por ta nominado).

 

Puntonan di salida pa Premio Edgar Supriano:

  1. Premio Edgar Supriano , ta un premio pa stimulá e artista pa e sigui desaroyá, su talentonan;
  2. Direktiva di AMAK ta apresiá, e aporte ku tur media sosial ta duna nos farándula, kisas un mas ku e otro, pero no ta bai duna un  media “apart” un rekonosimentu, pero ta apresiá e kontribushon di tur.
  3. No  nesesariamente, e mesun artista o grupo musikal ta bin na remarke pa e mesun premio tur aña. Direktiva di AMAK ta tuma konseho, serka personanan o instansianan, ku por duna un opinion ophetivo, pues No tin votashon.

 

Puntonan di Salida pa Pen di mérito:  

Ta keda otorgá na baluartenan musikal ku durante hopi aña  a dediká gran parti di nan bida na desaroyo di nos farándula di un forma eksepshonal. Komo eksepshon , personanan o instansianan por bin na remarke pa e distinshon aki, o pa risibí un plaka di rekonosimentu, na un okashon. Esaki ta un kompetensia d direktiva di AMAK i.o proposishonnan di miembronan.

 

Punto di Salida pa Plaka estímulo 

Un Plaka di Estímulo ta keda otorgá, muy en espesial na un artista o grupo, ku ta hasi hopi esfuerso, pa desaroyá su o nan kapasidat riba tereno musikal.

 

Kategoria ganadornan  Premio Edgar Supriano 2019 ta:

  • Kantante di aña  di kòmbèk 2019: Angelo Libinia 
  • Banda di kòmbèk aña 2019: Classic X D
  • Banda di aña general 2019: One Flavaz
  • Kantante di general 2019: Djuric Virginie
  • Entertainment Band di aña 2019: Highway Band
  • Grupo di Tambú/grupo Rítmiko di aña 2019: Grupo Ruta
  • Piesa di aña 2019 general: “Waw effect di Icons
  • Piesa di aña  2019 kòmbèk: “M’a frei bo, b’a basilá ku mi” di Classic  XD
  • Piesa di aña género Urban: M’a keda menko k’a ayera di Curban
  • Premio Edgar Supriano pa Sr. Chelo Elodia, un tokadó di wiri di kai òrgel. Sr. Elodia ta un persona ku hustamente den e aña di kai òrgel a bai un stap mas aleu i a duna diferente kurso pa siña toka wiri.

 

Tumba popular 2019: 

Reunion General a bai di akuerdo pa anunsiá for di e aña aki e Tumba popular di 2019. Despues di a konsulta ku medionan di komunikashon, esaki ta bai pa“Ban pa bai” di Ray Lauffer

 

Nota: si den e kategoria aki. Un kantante   nominashon den mas ku un kategoria, e ta haña menshon den e kategoria, pero ta risibí un premio.

 

Pen di Mérito:

E aña aki Pen di Mérito ta bai pa Ike Jesurun, Melania van der Veen i tambe Virgilio Siliee

 

Entrega di Premio

Originalmente, entrega di premio mester a tuma lugá djaweps awor, pero pa motibu ku  na último ora e premionan no a keda entrega, AMAK ta sumamente agradesido pa a haña GL Jewerly ku a mustra disposishon pa traha e premionan i a pidi un tiki espasio di tempu. P’esei nos a skohe djaluna dia 25 di novèmber 2019 na ABVO, den Brievengat.

 

Atentamente

 

Direktiva di AMAK

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: