Riba noticianan cu ta circulando Departamento di Salud Publico ta informa

Riba noticianan cu ta circulando Departamento di Salud Publico ta informa

 

ORANJESTAD, Aruba –07 februari 2020: Departamento di Salud Publico ta lamenta profundamente cu cada bez informacion incorecto ta wordo treci na comunidad y  como resultado nos ta haya hopi hende precupa sin mester. 

Departamento di Salud Publico ta e instancia responsabel pa cuida salud di nos comunidad y como departamento responsabel nos ta tuma nos trabou hopi na serio. Nos ta traha abase di ley y conhunto cu diferente organisacion/instancia internacional manera WHO, CARPHA, RIVM y mas. Comunidad no mester tin duda den profecionalismo y transparencia di DVG.

Pa loke ta e noticia circulando den medionan di comunicacion tocante e barco crusero AIDA y e AVION. Como DVG nos kier informa cu nos tin laso estrecho cu directie Luchtvaart, directie Scheepvaart, AAA, ATA, APA y Imigracion, si tin cualkier eventualidad nos lo wordo informa di esaki y na su turno nos profecionalnan lo atende cu esaki si ta nesesario. 

Na momento cu tin cualkier situacion unda ta nesesario pa informa comunidad pa bienestar di salud general. Dvg como departamento profecional y transparente lo sali y informa pueblo debidamente. Pasobra nos ta di opinion cu un comunidad bon informa ta un comunidad bon prepara

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: