Detenshon pa violashon di lei di opio

KOMUNIKADO DI PRENSA 065 / 2020
11 febrüari 2020
Detenshon pa violashon di lei di opio
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaluna 10 di febrüari 2020, durante di un asistensia den Kaya Nathan e patruya
atento a nota un pikòp blanku a kore yega den e kaya. Na momentu ku e shofür a
nota presensia di polis el a aktua di un forma sospechoso i bèk su vehíkulo pa por a
bai for di e sitio. Mesora e agentenan a start ku un persiguishon tras di e vehíkulo
aki. Na altura di Ronde Klip polis a logra di para e vehíkulo. Durante di un kontròl
tantu riba e shofür komo e vehíkulo e agentenan a bin topa ku dos (2) saku di plèstik
grandi yená ku mariwana. Na e sitio a detené e sospechoso e hòmber A.S.H. nase
na Haiti di 41 aña di edat en konekshon ku violashon di e lei di opio i a konfiská e
vehíkulo i e droganan.
A presentá e sospechoso dilanti di un Fiskal Ouksiliar, ku a ordená su
enkarselamentu pendiente di mas investigashon.