Desvelo i honor na nos yu di tera sr. Elis Juliana den siman di nos Lenga Materno: Papiamentu

Desvelo i honor na nos yu di tera sr. Elis Juliana den siman di nos Lenga Materno: Papiamentu

Geplaatst op 11 February 2020 dor di Ministerio Enseñansa, Siensia, Kultura & Deporte

Willemstad – Minister di Enseñansa, Siensia, Kultura & Deporte sr. E.Rhuggenaath tabata di bishita na Skol di Fundeshi Elis Juliana-Sheila Karel pa rindi tributo na nos Lenga Materno. Den union huntu ku dosente i alumnonan di e skol a hasi apertura di siman kaminda a pone enfoke riba un outor yu di tera sr. Elis Juliana dor di resitá poemanan di dje i alabes desvela un bunita retrato di e outor.

Gobièrnu di Kòrsou a dekretá siman di nos lenga Materno Papiamentu den e periodo di 8 pa 21 di febrüari. Esaki ta debi na e hecho ku dia 8 di febrüari na 1958 sr. Modesto ‘Chano” Margaretha a duna su desertashon na Papiamentu den konseho insular pa promé biaha. Tambe e hecho ku dia 21 di februari a keda dekretá komo dia Internashonal pa Lenga Materno pa Nashonnan Uni na 1999. Esaki ta e motibunan di balor pa nos pone atenshon na nos idioma materno Papiamentu. Nos lenga ta forma parti integral di nos identidat komo nashon i ta halsa nos konsenshi patriótiko di nos pueblo.

Pesei den e periodo aki Ministerio di Enseñansa, Siensia, Kultura i Deporte ta duna balor na nos lenga materno stimulá uzo di material linguísiko na papiamentu na nos skolnan. Awe nos Minister sr. E.Rhuggenaath a resitá dos poema di nos outor yu di Kòrsou sr. Elis Juliana pa nos alumnonan. Nos alumnonan na nan turno tambe a resitá otro peoma di sr. Juliana di forma di poétiko usando arte di baile i espreshon kultural riba e mainta. Tambe nos alumnonan di e skol aki a baila un bunita piesa di kaha di òrgel na honor di nos historia kultural i musikal.

Minister sr. E.Rhuggenaath tambe a honra nos dosentenan dor di ‘pin’ e kabes di skol ku un binita pin ku ta indiká ku ‘no child is left behind’, Esaki ta spehal pa kada dosenten di skol komo apresio pa nan trabou balioso na konstrukshon nos Nashon. Danki na kada dosente pa e bon kontribushon ku nan ta planta den nos futuro generashonnan.

Gobièrnu di Kòrsou ta gradisí nos mes hendenan ku ta traha na nos Nashon i ta yama nan danki pa boso aporte.

—

KOMUNIKASHON

** riba e potrètnan athunto por tuma nota di e momentu nan agradabel di nos minister, dosenten i e alumnonan na e skol Elis Juliana-Sheila Karel

Pa potret por klik riba e link aki: Honor na Papiamentu 1