Prome Minister Evelyn Wever-Croes Desde su existencia pa prome biaha CAFT A DUNA ELOGIO NA GOBIERNO

Prome Minister Evelyn Wever-Croes Desde su existencia pa prome biaha

CAFT A DUNA ELOGIO NA GOBIERNO

 

Diabierna mainta, Conseho di Minister a reuni cu e College Aruba financieel toezicht 

(CAFT). Desde su exitencia, esaki ta e prome biaha cu CAFT ta duna Gobierno un compliment pa e maneho di gobernacion di Gabinete Wever-Croes. 

 

CAFT: “E desaroyo di e maneho financiero hiba aña pasa ta mustra di ta mas faborabel di loke cu a wordo pensa den prome instante”. 

 

Prome Minister Evelyn Wever-Croes a indica cu tin puntonan di precupacion cu tanto Gobierno y CAFT tin ainda entre otro e Presupuesto 2020 y e Reforma Fiscal cu no ta cla ainda y esaki ta prioridad pa Gobierno. 

 

CAFT a subraya cu aña 2020 ta un aña importante pa Aruba mirando cu Gobierno di Aruba ta presupuesta un surplus. Banda di esaki, CAFT a duna recomendacionnan con pa sigui baha gastonan den 2021 y con pa atende cu e retonan di futuro pa loke ta trata SvB y AZV debi na e efectonan di vergrijzing riba e fondonan. 

 

“E reunion entre Conseho di Minister y CAFT tawata un bon reunion caminda cu e elogio di CAFT a wordo bon ricibi pa Gobierno di Aruba. Gabinete Wever-Croes ta tuma e maneho financiero di Pais Aruba hopi na serio pa asina crea mas bienestar y progreso pa nos pais”, Prome Minister a duna di conoce.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: