Entrada hudisial ku detenshon.

KOMUNIKADO DI PRENSA 073/ 2020
18 febrüari 2020
Entrada hudisial ku detenshon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Relashoná ku un seri di atrako ku a tuma lugá for di yanüari 2020 te ku awe, Tim di
Atrako konhuntamente ku Tim di Aresto a tene entrada hudisial den diferente kas.
Ta trata aki di kasnan den Korporaalweg, Kaya Merdida, Kaya Falcon, Stenen Koraal i
Dein. Polis a hasi detenshon di sinku sospechoso durante e entradanan hudisial.
Ta trata di e hòmbernan:
 D.H., di 20 aña di edat;
 E.C.C.C., di 21 aña di edat;
 K.D.C.I.F., di 18 aña di edat, tur nasé na Kòrsou.
Tambe polis a detené e damanan, M.M.P., di 45 aña di edat, I.B.M., di 18 aña di
edat, ámbos nasé na Kòrsou pa inkubrimento.
Durante investigashon na e adresnan ariba menshoná polis a haña i konfiská
artikulonan ku ta di importansia pa e investigashon.
A presentá e sospechosonan dilanti un Fiskal Ouksiliar ku despues di nan
interogashon a ordená nan enkarselamentu pendiente di mas investigashon.

 

This site uses Akismet to reduce spam. Learn how your comment data is processed.

%d bloggers like this: