KOMUNIKADO DI KUERPO POLISIAL KÒRSOU A haña kurpa sin bida den área di Klein Hofje

KOMUNIKADO DI KUERPO POLISIAL KÒRSOU
124 / 2017
15 aprel 2017
A haña kurpa sin bida den área di Klein Hofje
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djasabra 15 di aprel 2017 alrededor di 09.06 or, Sentral di Polis a dirigí un patruya na Klein Hofje kaminda un persona a haña un kurpa sin bida. Na yegada di e patruya e persona a mustra nan un kurpa di un hòmber den estado hopi avansá di deskomposishon drumí den un roi. Te kaminda esaki tabata posibel i bou di e sirkunstansianan presente na e momento ei por a konstatá ku e kadaver su kara tabata di tape. Dòkter di polis i tambe e patólogo a presentá na e sitio. Riba òrdu di Fiskal di Ministerio Públiko a konfiská e kurpa aki pa mas investigashon. Te na e momentunan aki no por a identifiká e kurpa aki ofishalmente.

Polis ta supliká un i tur ku ta dispone di informashon di e kaso aki pa pasa e informashon aki pa polis na number di telefònnan: 917 i 108 (riba e number aki bo anonimidat ta garantisá).

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: