Trafico Smith Blvd camping

Cu campamento na Smith Blvd ta trece hopi auto cu mester y kier parkeer ta conoci. Pero no por permiti estacionamento di auto den forma cu ta trece otro trafico y peaton den peliger. Tin hopi auto para riba acera na otro banda di caminda, tumando full e acera y asina peaton no por cana. Awe nos a mira un auto geel para na cruzada di Lacle blvd y Smith blvd den un forma cu e ta stroba bista di hende riba trafico di Smith blv, esey ora bo ta bin di Lacle blv pa subi Smith blv. Promer e tawata para pabow na e cruzada, despues el a para pariba na e cruzada. Esaki mientras na e cruzada ey tin un tereno habri grandi mes y encera cu waya pa hende por para nan auto. E chofernan aki ta demostra un ignorancia completo pa trafico y otro hende. Polis mester actua pa pone e hendenan aki compronde e peliger cu nan ta causa. Mester bin cu reglamento. Eventual pone algo den e permiso di campamento. Por ehempel cu gewoon auto NO ta permiti  pa estaciona na Smith blvd, punto ! Y cu e campista ta responsabel pa esnan cu bin bishita su campamento. Y no lubida cu si tin hende ta para nan auto na otro banda di caminda cu lo tin hopi hende ta bai cruza caminda. Sumamente peligroso.

Albert Kock
5889336.