FAKE NEWS tokante viro di Corona

FAKE NEWS tokante viro di Corona

Curaçao Medical Center (CMC) ke alertá komunidat di Kòrsou ku e mensahe ku ta sirkulando den whatapp tokante un turista ku e viro di Corona na CMC no ta korekto i ta FAKE NEWS ! Tambe CMC a verifiká ku e mensahe aki no ta prosedente di e tím di redakshon di Vigilante.
Si akaso tin un pashènt ku e viro di Corona na CMC, nos lo alertá komunidat mes ora.
Laga nos ta konsiente i no krea pániko inesesario den nos komunidat. CMC ta rekomendá pa na momentu ku haña e tipo di mensahenan aki, NO manda esaki pa mas hende sin a verifiká e informashon promé ku instansianan ofisial.
Si e notisia ta trata CMC, por referí na entre otro nos pagina di Facebook kaminda nos lo pone tur informashón relevante i korekto pa nos komunidat.