KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Kompetensia Mara Lensu 2020 den Hòfi Fidel

Kompetensia Mara Lensu 2020 den Hòfi Fidel

Fundashon Kultural Seú Kòrsou i Incredible Events ta invitá pueblo di Kòrsou na “Kompetensia Mara Lensu 2020”, ku ya a bira un tradishon den e fiesta di Seú.

Despues di 4 dia di workshop intensivo, kordinadó di e proyekto pa FKSK, sr. Shurendi Pieternella ta sumamente satisfecho i lo trese 12 partisipante ku ta kla prepará pa bai duna un kompetensia den 4 kategoria di Mara Lensu.

E partisipantenan a risibí tayer serka sra. Cenaida van Dinter i Shurendi Pieternella, kaminda nan a siña vários di e tipo di lensu nan ku tin, konta ta traha guma i guma un lensu. Tur loke ku nan mester tene kuenta kuné na ora di mara un lensu for di e básiko.

E aktividat ta djadumingu 15 mart próksimo, ta kuminsá for di 2’or di mèrdia ku diferente presentashon, gruponan rítmiko manera Sablika, Hóben na Timon, Den Chikí, baile di Grupo Sembra Alegria i Dj Karlito i hopi sorpresa mas. Lo tin un bar i kushina bon surti. Entrada ta fl. 3,– pa persona.

Bini unu bini tur bin sostené i disfrutá di un dushi atardi den hòfi, kompaña pa bon músika i disfrutá di e arte di Mara Lensu 2020.

“Si palu bira tronkon, balor ta na su renchi”

Leave a Reply

This site uses Akismet to reduce spam. Learn how your comment data is processed.