Minister Koeiman a reuní ku representante di trahadó di Birgen di Rosario
Minister Koeiman a reuní ku representante di trahadó di Birgen di Rosario
Geplaatst op 13 March 2020 dor di Ministerio Desaroyo Sosial, Labor i Bienestar
Willemstad – Djaweps mainta minister di Ministerio di Desaroyo Sosial, Labor i Bienestar (SOAW), sr Hensley Koeiman a reuní ku representantenan di Birgen di Rosario i di sindikato CBV kaminda a papia entre otro riba e situashon di Coronavirus ku ta asotando un gran parti di mundu.
A bin dilanti ku direktiva a kuminsá atendé ku e situashon i a aserká ministerio di GMN pa konsehá kua te medidanan i proseduranan ku por òf mester tuma pa evitá ku e vìrús ta drenta e instituto i, si resultá ku e drenta e instituto, kon lo mester atendé ku esaki.
Ta konosí ku sigur hendenan grandi su rísiko ta mas grandi ku otronan i p’esei mester tene debido kuenta ku nan. Pronto lo anunsiá e medidanan ku lo tuma den kuadro di protekshon di e grandinan di Birgen di Rosario i e trahadónan.