Nagico kontentu di por a duna un aporte na Skol Nechi Pieters durante Cura Doet

Nagico kontentu di por a duna un aporte na Skol Nechi Pieters durante Cura Doet

 

WILLEMSTAD, MART 2020 –  Djasabra último Nagico a duna su aporte na e di shete edishon di Cura Doet. Huntu ku un tim bon animá a partisipá na e akshon boluntario dunando un man na Skol Nechi Pieters, na Buena Vista. E skol tabata tin mester di yudansa pa renobá nan biblioteka, den esaki nan a risibí aporte di e tim di Nagico i nan famia, i tambe embahador di Nagico i Kòrsou su Rei di Tumba 2020, Ray Lauffer p’asina fèrf e biblioteka di e skol.

 

Di akuerdo ku Camila Jamaloodin, ehekutivo di Rekurso Humano na Nagico Curaçao, partisipashon di nan empresa no ta solamente pa duna un aporte na komunidat, pero ta konsiderá Cura Doet un proyekto ideal pa stimulá trabou den ekipo tambe. “Nos ta masha kontentu di por duna un aporte i ta spera ku muchanan di Skol Nechi Pieters disfrutá di nan biblioteka.”  E trabounan a konsistí primordialmente di fèrf i duna biblioteka di e skol un kara nobo di manera ku e muchanan por tin un sitio vibrante pa tuma òf lesa nan buki. Riba fotonan athunto un impreshon di e partisipashon di Nagico na Cura Doet djasabra último. Nagico ta felisitá tur boluntario ku a duna un man durante di Cura Doet e aña aki!

 

 

###

 

Skol Nechi Pieters na Buena Vista a risibí un man den renobashon di nan biblioteka djasabra ultimo.

Riba fotonan athunto un impreshon di e tim di Nagico trahando durante Cura Doet 2020.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: