Detenshon pa menasa i maltrato.
KOMUNIKADO DI PRENSA 114/ 2020
18 mart 2020
Detenshon pa menasa i maltrato.
Departamentu di Komunikashon i Prevenshon
KUERPO POLISIAL KÒRSOUSIRBI I PROTEHÁ
Djárason 18 di mart 2020 alrededor di 15.02’or, a drenta informashon na Sentral di
Polis di un kaso di menasa i maltrato na un kompleho di apartamento den Los
Roquesweg.
E unidat polisial ku a yega na e sitio a kuminsá ku un investigashon preliminar i a
resultá ku un hòmber tabatin problema ku habitante di un apartamento.
E sospechoso aki lo a kibra hèkwèrk i menasá e habitante ku morto i tambe maltratá
un kachó.
Na momentu ku polis a bai pa detené e hòmber aki e la drenta den su apartamento i
sera e porta pa asina polis no por drenta. Na momentu ku polis a logra drenta e
sospechoso aki a resistí su detenshon.
Alrededor di 16.45’or polis a detené na e sitio e hòmber P.J.S., nasé na Kòrsou di 25
aña di edat, relashoná ku e kaso ariba menshoná.
A presentá e sospechoso dilanti un Fiskal Ouksiliar ku a ordená su enkarselamentu
pendiente di mas investigashon.
