Un dama di Afghanistan ku a keda inmortalisá riba kaft di National Geographic magazine a keda arestá na Pakistan

Un dama di Afghanistan ku a keda inmortalisá riba kaft di National Geographic magazine a keda arestá na Pakistan pa motibu di aktonan froudulento.
Sharbat Gula, ku su wowonan bèrdè a hasi’e famoso tempu ku e tabata un mucha refugiá, awor ta keda akusá di a hasi petishon pa identifikashon falsu.
Komo ku e ta un hende muhé, lo trata su kaso for di un angulo humanitario.
Di otro banda, lo mester atendé ku e personanan tambe ku a suministrá e identifikashon falsu, siendo ku ta nan ta korupto.
Sra. Gula tin na e momentu aki un kastigu di un but i 14 aña den prizòn. E ta keda akusá di a apliká pa un karnèt di identifikashon na aprel 2014 bou di e nòmber Sharbat Bibi. Si resultá ku e akusashon ta berdat, e lo ta un di e miles di refugiadonan di Afghanistan ku ta trata di tur manera pa evitá di mester regresá nan pais natal, ku ta tur destruí pa motibu di guera.