MINISTERIO PUBLIKO TA INFORMA
Info OM:
Wes-komisario a disidi ku no ta alarga detenshon di e homber T.G.B. (1972). Ta trata di e sospechoso ku a kai sera relashoná ku falsifikashon di dokumento na un empresa lokal.
Wes-komisario a mara su libertat na varios kondishon. Entre otro ku e mester keda disponibel pa hustisia, e tin ku kopera ku e investigashon, e no mag komete niun hecho kastigabel i ku e poksimo simanan e tin ku distansia su mes totalmente di su empresa.
E investigashon liderá pa Ministerio Publiko (OM) ta kontinuá mientras T.G.B. ta keda sospechoso durante e investigashon.