Noodverordening PAP i Hul

  • BONEIRU

 

 

ORDENANSA DI EMERGENSIA-179WOLBES

 

 

 

GEZAGHÈBER DI ENTIDAT PÚBLIKO BONEIRU

(number di archivo 2020 001063                                                                                    )

Konsiderando:

–    ku na Hulanda, pero tambe rònt mundu tin un brote komo resultado di e Coronavirus (COVID-       19);

–    ku pa kombatí plamamentu mas aleu di e virus ta tumando medidanan rònt mundu;

–    ku Gezaghèber di e Entidat Públiko Boneiru a base di e wet publieke gezondheid (lei di salubridat públiko) ta pèrkurá pa kombatimentu di un epidemia di un malesa di infekshon ku ta pertenesé na e grupo A di Infekshon di malesa;

–    ku riba 14 di mart 2020 e Regeling tijdelijk verbod burgerlijke luchtvaart luchtruim Bonaire, Sint Eustatius en Saba (Areglo di prohibishon temporal di aviashon sivil den espasio aerio di Boneiru, Sint Eustatius i Saba) a drenta na vigor relashoná ku e plamamentu di e virus anteriormente menshoná;

–    ku riba djasabra 14 di mart 2020 e tim di maneho insular di Boneiru, a eskalá pa nivel di kordinashon 3;

–    ku riba 15 di mart 2020 e tim di maneho insular, despues di informe di RIVM na e islanan BES, a disidí di sera e tráfiko aéreo ku destinashon Kralendijk i prosedente di paisnan di

riesgo haltu, manera deskribí den e Regeling tijdelijk verbod burgerlijke luchtvaart (Areglo prohibishon temporal di aviashon sivil) fechá 14 di mart 2020;

–    ku a komplementá e Regeling tijdelijk verbod burgerlijke luchtvaart (Areglo prohibishon temporal di aviashon sivil) riba 16 di mart 2020 mas aleu ku kuater pais di riesgo haltu den e region karibense;

 

–    ku na Boneiru no ta trata di transmishon lokal, pero ku ta tuma medidanan ku ta konta pa e área kompleto di Boneiru pa kombatí plamamentu mas aleu di e virus;

–    ku RIVM ta konsehá Gezaghèber di Boneiru pa limitá e kontaktonan sosial riba e isla;

–    ku e medionan regularmente disponibel pa garantisá e protekshon di siguridat i salubridat menshoná ariba, aktualmente no ta ofresé sufisiente alivio i ku ta nesesario pa stipulá instrukshonnan general obligatorio pa mantenshon di órden públiko i pa garantia di e siguridat i salubridat, bou di e sirkunstansianan ekstraordinario aki;

 

 

 

 

 

 

-ku pa protekshon di e siguridat i salubridat di e habitantenan di Boneiru, e Gezaghèber

a disidí pa prohibí tur evento/ reunionnan/ aktividatnan por estilo ku mas ku 50 persona;

-ku, bou di e sirkunstansianan aki pues, di akuerdo ku loke ta stipulá den artíkulo 179 WOLBES ta konsiderá instrukshonnan general obligatorio nesesario ku ta di un índole temporal i ku ta pèrmití desviashon for di otro instrukshonnan legal temporalmente riba e teritorio kompleto di Boneiru;

 

Mirando:

–    Artíkulo 179 di e Wet openbare lichamen Bonaire Sint Eustatius en Saba (Lei Entidat Públiko Boneiru, Sint Eustatius i Saba);

– De Regeling tijdelijk verbod burgerlijke luchtvaart luchtruim Bonaire, Sint Eustatius en Saba (Areglo di prohibishon temporal di aviashon sivil den espasio aerio di Boneiru, Sint Eustatius i Saba) relashoná ku e virus ku ta kousa e malesa COVID-19;

– Areglo di Minister di Infrastruktura i Maneho di Awa, di 16 di mart 2020, nr. IENW/BSK-2020/52412, pa kambio di e Regeling tijdelijk verbod  burgerlijke luchtvaart luchtruim Bonaire, Sint Eustatius  en Saba (Areglo di prohibishon temporal di aviashon sivil den espasio aerio di Boneiru, Sint Eustatius i Saba) relashoná ku e virus ku ta kousa e malesa COVID-19;

 

 

 

 

A TUMA DESISHON

 

pa determiná e siguiente instrukshonnan general obligatorio pa mantenshon di órden públiko i

siguridat:

 

 

 

Artíkulo 1 Teritorio

 

  1. E ordenansa aki ta konta pa e área, ku ta konsistí di e teritorio inkluso awanan teritorial di Boneiru, di e edifisionan lokalisá ei den habrí pa públiko i e terenonan ku ta pertenesé na eseinan, manera indiká riba e mapa di teritorio ku ta pertenesé na e desishon aki.

 

  1. Riba e mapa ku ta pertenesé serka e desishon aki ta designá e aeropuerto komo área kaminda un prohibishon di aglomerashon di hende ta na vigor entrante 18 di mart 2020 te djamars 7 di aprel 2020.

 

 

 

Artíkulo 2 Prohibishon di aglomerashon di hende

 

  1. Ta prohibí pa tur hende, ku no ta traha serka e aeropuerto, lokalmente konosí komo Bonaire International Airport, pa ta presente riba e tereno di e aeropuerto.

 

  1. E aeropuerto i e tereno di e aeropuerto ta temporalmente solamente aksesibel pa tráfiko di destinashon for di fecha di entrada di e ordenansa aki te 7 di aprel 2020.

 

 

 

 

2

 

 

 

 

 

 

 

Tráfiko di destinashon ke men:

A: personal den servisio sivil

B: personal den servisio di e kompanianan establesé na e aeropuerto

C: suministradónan di e kompanianan establesé na e aeropuerto

D: personal di e servisionan di seguridat

E: personal di KMAR

F: personal di KPCN

G: personal di BKCN

H: personal di Duana

 

  1. Kontrario na e insisonan ariba menshoná ta pèrmití bishitantenan, ku ta baha pasaheronan ku ta bandoná e isla, pa ta presente na e sala di partida pa maksimalmente mei ora.

 

Artíkulo 3 Seguridat aeropuerto

 

Tur entrada i salida di e aeropuerto i e tereno di e aeropuerto ta sigurá dor di Koninklijke Marechaussee.

 

Artíkulo 4 Prohibishon di molèster

 

Kada ken mester apstené di kualke forma di molèster relatá na e área indiká bou di artíkulo 2. Tur forma di molèster, bou di kua pero no solamente formashon di un blokeo ku ta stroba e entrada/salida di e tereno menshoná, ta terminantemente prohibí.

 

Artíkulo 5 prohibishon riba evenementonan

 

 

  1. Ta prohibí pa (laga) tene, organisá òf desaroyá evento kaminda mas ku 50 persona lo aglomerá simultáneamente.

 

  1. Evento manera indiká den e insiso anterior ke mèn tur enkuentro i evento públiko di divershon manera indiká den e Algemene Politiekeur Bonaire i tambe tur enkuentro den ambiente privá kaminda mas ku 50 persona c.q partisipante ta reuní simultáneamente, ku ta tuma lugá den edifisionan ku ta habrí pa públiko i tambe den edifisionan ku no ta habrí pa públiko inkluso e terenonan ku ta pertenesé na eseinan i tambe den aire liber òf den lugánan públiko.

 

Artíkulo 6 Seramentu di skolnan i kompanianan

 

  1. Ta pèrmití ta tene e siguiente institushonnan habrí a ménos ku:

E institushonnan kaminda lokalmente ta bende i konsumí kuminda òf bebida (lugánan di kome i bebe) ta praktiká social-distance i ta pèrmití maksimalmente 50 persona den e institushon, ku eksepshon di interiornan den kompanianan ku no ta aksesibel pa e públiko (kantina i catering di kompania) i interiornan den hotèl na benefisio di e huéspetnan di hotèl;

 

 

3

 

 

 

 

  1. Ta prohibí pa mantené un di e siguiente institushonnan habrí:

– Klupnan pa deporte i fitness (akomodashonnan di deporte i institushonnan di deporte) bou di kua pisina, sala di deporte, souna i kanchanan di deporte;

-Misanan i edifisionan

– Akohida promé i despues di skol

– Skolnan

– Souna

 

Artíkulo 7 Siguimentu di instrukshonnan

 

Mester kumpli puntualmente i inmediatamente ku tur indikashon, duná dor di polis, Koninklijke Marechaussee òf ámtenar indiká pa esei, na interes di órden públiko i/òf siguridat di personanan relashoná ku e instrukshonnan aki.

 

Artíkulo 8 Medida disiplinario

 

  1. Esun ku intenshonalmente subi e tereno òf di otro forma kometé aktonan pa mina e instrukshonnan manera stipulá den artíkulo 7, òf ku violá e stipulashonnan duná serka òf en virtut di e instrukshonnan aki, ta risibí un kastigu di un aresto di maksimalmente tres luna òf un but di e di dos kategoria.
  2. E hechonan kastigabel, indiká den insiso unu, ta infrakshonnan.

 

Artíkulo 9 Eksepshonnan

 

Prohibishonnan/ órdennan ariba menshoná no ta konta pa servisionan di asistensia i pa personanan, lokalidatnan òf aktividatnan indiká dor di Gezaghèber.

 

Artíkulo 10 Drentamentu na vigor

 

E Instrukshonnan aki ta drenta na vigor inmediatamente riba 18 di mart 2020.  E ordenansa ta na vigor te 7 di aprel 2020. 00.00 or ora lokal, a ménos ku disidí pa prolongá òf eliminá e ordenansa aden promé ku e momentu ei.

 

:

Ta sita e ordenansa aki komo : noodverordening COVID-19 Bonaire (Ordenansa di emergensia COVID-19 Boneiru).

 

 

 

Di e manera ei deklará na Boneiru, 18 di mart 2020

 

 

 

 

 

 

 

 

 

 

 

 

 

 

 

 

 

 

 

Ta manda kopia di esaki pa:

  • KPCN,
  • Ministerio Públiko,
  • Representante di Reino,
  • Ministerio di Salubridat Públiko,
  • Ministerio di Infrastruktura i Maneho di Awa,
  • Ministerio di BZK, DG Relashonnan di Reino,
  • Departamento

Flamingo    Airport

CBIA)

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: