No tin skol den e siman di 23 pa 27 mart

No tin skol den e siman di 23 pa 27 mart

Geplaatst op 20 March 2020 dor di Ministerio Enseñansa, Siensia, Kultura & Deporte

WILLEMSTAD – Gobièrnu ta informá ku no tin skol den e siman di 23 pa 27 mart próksimo. Minister di Enseñansa, Siensia, Kultura & Deporte a tuma e desishon aki den konsulta ku direktivanan di skol i sindikato. E desishon ta relashoná ku e krísis di COVID-19 (Corona virus) i ta kuadra ku e medidanan di prekoushon pa asina limitá e riesgo di kontaminashon. Tur e Eksamen Sentral Práktiko “Centraal Praktijk Examen” ku lo a kuminsá dia 23 di mart ta keda posponé te otro aviso.

Gobièrnu huntu ku direktivanan di skol lo pèrkurá pa medidanan pa eliminá posibel retraso, kaminda esaki ta nesesario. Alabes ta animá tur mayor pa keda den kontakto telefóniko òf via mail ku skol pa tareanan i otro instrukshon pa e alumnonan.

E fecha ku e skolnan por habri bèk ta keda disidí despues i ta dependé di e desaroyonan i konsultashon ku e gruponan di interes.

Gobièrnu ta yama tur siudadano danki pa e komprenshon i koperashon di mayornan, alumnonan, skolnan, direktivanan di skol i sindikatonan den e tempu di krísis aki, i lo sigui informá pueblo debidamente.