A SEPONÉ DENUNSIA KONTRA GEZAGHÈBER

A SEPONÉ DENUNSIA KONTRA GEZAGHÈBER

Dia 6 di maart 2020 señora R. Helburg-Makaai i señores M. Pieters i C. Abraham, miembronan di Koneho Insular Boneiru, a hasi denunsia di falsifikashon di dokumentu kontra gezaghèber di Boneiru. Despues di a konsultá ku prokuradó-general di Kòrsou, Sint Maarten, Boneiru, Sint Eustatius i Saba, a manda e denunsia pa Ministerio Públiko di Kòrsou pa evaluashon.

Fiskal ta di opinion despues di a studia e dokumentunan, ku e asuntu aki por wòrdu kalifiká komo slòrdig i lingwístikamente inkorektamente redaktá, pero ku no ta trata di ningun manera di falsifikashon. Pa e motibu aki e denunsia a keda seponé. E denunsiantenan por hasi keho kontra di e desishon aki na Korte Komún.