Banco di Caribe ta aktivá moratorio di 3 luna riba pago di tur fiansa 

Banco di Caribe ta aktivá moratorio di 3 luna riba pago di tur fiansa 

 

WILLEMSTAD:  Manera a keda anunsiá siman pasá, Banco di Caribe a implementá un maneho ku lo brinda tur kliente mas espasio finansiero ora ku esaki ta keda rekerí den e trayekto di COVID-19. Banco di Caribe ta konsiente ku esaki ta un momentu difísil pa henter nos komunidat i pensando riba esaki ta ofresé un moratorio di 3 luna riba pagonan di fiansa, inkluyendo interes ku e kliente tin na Banco di Caribe. 

 

Proseso di moratorio di 3 luna:

Pa hasi e proseso mas lihé Banco di Caribe lo implementá e moratorio di 3 luna outomátikamente riba tur fiansa ku no tin mas ku 90 dia di pago atrasá. Esaki ta nifiká ku fiansanan ku tin mas ku 90 dia di pago atrasá lo no bin na remarke. Ta hasi un petishon na tur kliente ku no ta deseá di hasi uso di e moratorio di 3 luna pa manda un e-mail na info@bancodicaribe.com, promé ku dia 3 di aprel, 2020. Den e e-mail mester spesifiká nòmber kompletu (Nòmber dilanti i Fam), Number di usuario/ Number di kuenta i Pais di residensia. 

 

Pa mas informashon riba e proseso di moratorio di 3 luna por bishitá http://www.bancodicaribe.com òf por yama departamento di servisio na kliente di Banco di Caribe na telefòn 432 3200 durante ora di ofisina. Klientenan komersial por drenta den kontakto ku nan account manager. Banco di Caribe ta sigui hasi su máksimo esfuerso pa den e tempu difísil aki fasilitá bo nesesidatnan bankario. 

This site uses Akismet to reduce spam. Learn how your comment data is processed.

error: Content is protected !!
%d bloggers like this: