Kòrsou tur dia ku toke de keda di 9’or di anochi pa 6’or di mainta

Kòrsou tur dia ku toke de keda di 9’or di anochi pa 6’or di mainta

Geplaatst op 28 March 2020

E ta keda asina te un próksimo aviso

Willemstad – For di awe, djasabra 28 di mart 2020, Kòrsou ta introdusí TOKE DE KEDA di 9’or di anochi pa 6’or di mainta. Esaki ta nifiká ku desde awe:

  • Ningun hende no por ta riba kaya entre 9’or di anochi i 6’or di mainta. 
  • Na kas no por tin fiesta, ta hende ku ta biba so mester ta den kas.
  • Si bo ta kuida un hende na su kas, bo por bai su kas i kuida e persona aki na su kas, sin ku bo por sali durante e orario di 9’or di anochi pa 6’or di mainta.
  • Personanan ku ta traha den funshon i prosesonan vital por ta riba kaya entre 9’or di anochi pa 6’or di mainta – solamente si ta nesesario i si e persona ta indentifiká. Algun funshon vital ta entre otro, polis, dòkter, enfermero i algun representante di Gobernashon. Den kaso di proseso vital ta trata di entre otro, urgensha i emergensia médiko.
  • Kompanianan di seguridat ku ta identifiká komo tal, tambe ta riba kaya durante e orario di 9’or di anochi pa 6’or di mainta. 
  • Negoshinan ta sera 6’or di atardi, ku eksepshon di supermerkado, hardware, botika, toko i pòmp di gasolin ku ta sera 1 ora mas lat, esta 7’or di anochi. 
  • Trùk di pan i restorantnan tambe ta sera 7’or di anochi. Orarionan di trùk di pan ta kambia por lo pronto di 12’or di mèrdia te 7ʹor di anochi.
  • Transporte públiko tin te ku 9’or di anochi pa transportá su kliente, di moda ku si un hende kaba di traha 7’or, e tin te ku 9’or pa yega su kas. 
  • Ofisinanan di number ta keda habrí te 6 ‘or di anochi. Fundashon Wega di Number Kòrsou mes ta publiká e orario ku tin sorteo.

Riba http://www.gobiernu.cw bo por haña mas informashon kon pa bin na remarke pa eksonerashon. Ademas, e lista di funshon òf prosesonan vital tambe ta riba e página wèp.

Outoridatnan tin tur outorisashon pa aktua den kasonan ku hende no ta tene nan mes na e toke de keda. Asumí bo responsabilidat i keda kas.

 

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: