Mayornan di yu chikitu mester tuma kontakto ku sentro pre eskolar di nan yu

Mayornan di yu chikitu mester tuma kontakto ku sentro pre eskolar di nan yu

Geplaatst op 31 March 2020 dor di Ministerio Enseñansa, Siensia, Kultura & Deporte

Willemstad – Sektor di Kultura i Deporte di Gobièrnu di Kòrsou i Fundashon pa Desaroyo Integral di Mucha (SIFMA/ODIM) ta pidi mayornan ku yu chikitu pa tuma kontakto ku e eventual sentro pre eskolar di nan yunan. Sektor di Kultura i Deporte di Gobièrnu ta hasi un apelashon na tantu sentronan pre eskolar komo na mayornan, pa ban koperá ku otro pa por pasa e temporada difísil akí.

Ta trata pa yega na un areglo di pago entre e mayornan ku si tin entrada aworaki, pero pa motibu di Corona Vírùs no por hiba nan yu kresh. E kresnan tambe tin gastu ku ta sigui kore i lo habri pa mucha atrobe e momento ku esei ta bira posibel. E sentronan mes por yega na un areglo di paga ku e mayornan ku si tin moda di paga. E mayornan por tuma kontakto ku e sentronan via di telefon. 

Pa mayornan ku no tin entrada, debí na e situashon rondó di Corona Vírùs, tin un posibilidat pa registrá nan mes na Fundashon pa Desaroyo Integral di Mucha (SIFMA/ODIM).

Pa registra mester tin e siguiente dokumentonan:

1. I.D balido.

2. Prueba unda tabata traha (Kontrato).

3. Karta di retiro.

4. Kontrato di e sentro pre eskolar ku e yu ta bishitá.

5. Komprobante di 3 último lunanan ku a paga e sentro pre eskolar.

Intenshon di e registrashon di mayornan ku a pèrdè trabou ta pa asina Gobièrnu por haña un bista kla di e situashon di forma ku tin datos pa por tuma desishon. Ta hasi un apelashon na mayornan ku tin nan trabou ainda i ku por paga e sentro pre eskolar pa kumpli ku esaki mas tantu posibel pa medio di yega na un akuerdo ku e doño di e sentronan, di manera ku e sentro tambe por kumpli ku su obligashonnan i mantene kupo di trabou pa su trahadónan.

Pa registrashon i pa mas informashon por yama na 670-2930, 670-2931 i 670-2932 durante oranan di ofisina.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: